തിരുവനന്തപുരം : ആസൂത്രണ സാമ്പത്തികകാര്യ വകുപ്പ് അഡീഷണല് ചീഫ് സെക്രട്ടറി ഡോ. വിശ്വാസ മേത്തക്ക് ഹൗസിംഗ് വകുപ്പ് അഡീഷണല് ചീഫ് സെക്രട്ടറിയുടെ അധിക ചുമതല കൂടി നല്കാന് തീരുമാനിച്ചു. കായിക യുവജനകാര്യ വകുപ്പ് പ്രിന്സിപ്പല് സെക്രട്ടറി ഡോ. എ. ജയതിലക് തുറമുഖം, ഉദ്യോഗസ്ഥ ഭരണപരിഷ്കാരം എന്നീ വകുപ്പുകളുടെ അധിക ചുമതല കൂടി വഹിക്കും.
വ്യവസായ വകുപ്പ് പ്രിന്സിപ്പല് സെക്രട്ടറി ഡോ. കെ. ഇളങ്കോവന് പൊതുഭരണ വകുപ്പ് പ്രിന്സിപ്പല് സെക്രട്ടറിയുടെ അധിക ചുമതല കൂടി വഹിക്കും. പൊതുഭരണ വകുപ്പ് പ്രിന്സിപ്പല് സെക്രട്ടറി ബിശ്വനാഥ് സിന്ഹയെ പാര്ലമെന്ററികാര്യ വകുപ്പ് പ്രിന്സിപ്പല് സെക്രട്ടറിയായി മാറ്റി നിയമിച്ചു.
