ഇരിട്ടി: ഇരിട്ടിയില് പുതിയതായി അനുവദിച്ച ജോ.ആര്ടിഓഫീസിന്റെ ഉദ്ഘാടനം നാളെ രാവിലെ 11 മണിക്ക് മന്ത്രി എ.കെ.ശശീന്ദ്രന് നിര്വഹിക്കുമെന്ന് സ്വാഗതസംഘം ഭാരവാഹികള് വാര്ത്താസമ്മേളനത്തില് അറിയിച്ചു. സണ്ണി ജോസഫ് എംഎല്എ അധ്യക്ഷത വഹിക്കും. ട്രാന്സ് പോര്ട്ട് കമ്മീഷണര് കെ.പത്മകുമാര് ആമുഖ ഭാഷണം നടത്തും. ഉത്തരമേഖല ഡെപ്യൂട്ടി ട്രാന്സ്പോര്ട്ട് കമ്മീഷര് പി.എം.മുഹമ്മദ് നജീബ് റിപ്പോര്ട്ട് അവതരിപ്പിക്കും. പി.കെ.ശ്രീമതി എം.പി, കെ.സി.ജോസഫ് എംഎല്എ, ജില്ലാ പഞ്ചായത്ത് പ്രസിഡന്റ് കെ.വി.സുമേഷ്, ഗതാഗത വകുപ്പ് പ്രിന്സിപ്പല് സെക്രട്ടറി കെ.ആര്.ജ്യോതിലാല്, നഗരസഭാ ചെയര്മാന് പി.പി.അശോകന്, മട്ടന്നൂര് നഗരസഭാ ചെയര്പേഴ്സ്ന് അനിത വേണു എന്നിവര് മുഖ്യാതിഥിയായിരിക്കും.
കളക്ടര് മീര്മുഹമ്മദലി, എസ്പി ശിവവിക്രം, സത്യന് കൊമ്മേരി, പി.എം.രവീന്ദ്രന്, രാമചന്ദ്രന് തില്ലങ്കേരി, ബിനോയി കുര്യന് എന്നിവര് സംസാരിക്കും.
നേരംപോക്ക് റോഡില് ഫാല്ക്കണ്പഌസയിലാണ് ഓഫീസ് പ്രവര്ത്തനമാരംഭിക്കുക. ഇതിനോട് ചേര്ന്ന ഓഡിറ്റോറിയത്തിലാണ് ഉദ്ഘാടനചടടങ്ങുകള് നടക്കുക. വാര്ത്താസമ്മേളനത്തില് സണ്ണി ജോസഫ് എംഎല്എ, നഗരസഭാ ചെയര്മാന് പി.പി.അശോകന്, ജോയിന്റ് ആര്ടിഒ എ.കെ.രാധാകൃഷ്ണന്, എംവിഐ ബി.രാജീവന്, എഎംവിഐ പി.ശ്രീജേഷ് എന്നിവര് പങ്കെടുത്തു.
