ശാസ്ത്രീയനാമം: Michelia champaca
സംസ്കൃതം: ചെമ്പക, അതിഗന്ധ, ക്ഷേമപുഷ്പം, സുകുമാര, കാഞ്ചന,
തമിഴ്: സെമ്പകം
എവിടെ കാണാം: ഇന്ത്യയില് ഉടനീളം
ഉഷ്ണമേഖലാ സ്ഥലങ്ങളില് കണ്ടു വരുന്നു.
പ്രത്യുത്പാദനം: വിത്തില് നിന്ന്
ചില ഔഷധപ്രയോഗങ്ങള്: ചെമ്പകത്തിന്റെ തൊലിയും പൂവും പതിനഞ്ച് ഗ്രാം വീതം 150 മില്ലി വെള്ളത്തില് അരച്ച് കലക്കി അരിച്ചെടുക്കുക. ഈ വെള്ളം ഒരു നേരം വീതം ഒരാഴ്ച കഴിച്ചാല് മലമ്പനി, ഒന്നരാടം പനി, രാപ്പനി ഇവ മാറിക്കിട്ടും.
തേളോ പഴുതാരയോ കടിച്ചാല്, ചെമ്പകത്തിന്റെ തൊലി മനുഷ്യ മൂത്രത്തില് അരച്ച് തേച്ചാല് വിഷം ശമിക്കുന്നതാണ്. പാമ്പ് കടിയേറ്റാല് ഇതേ ഔഷധം തന്നെ പുറമേ തേക്കുന്നതിനൊപ്പം അഞ്ച് ഗ്രാം അകത്ത് കഴിച്ചാല് വിഷം പകുതിയായി കുറയും.
സ്ത്രീകള്ക്ക് ശുഷ്കാര്ത്തവം(രക്തം കുറഞ്ഞ് പോകുന്നത്) ഉണ്ടായാല് ചെമ്പകത്തിന്റെ വേരിന്മേല് തൊലി അഞ്ച് ഗ്രാം വീതം അരിക്കാടിയില് അരച്ച് അര സ്പൂണ് തേനും ചേര്ത്ത് രാവിലെ വെറും വയറ്റിലും രാത്രി അത്താഴ ശേഷവും സേവിക്കുക. ഇങ്ങനെ രണ്ടു ദിവസം സേവിച്ചാല് ആര്ത്തവം കൃത്യമായി ഉണ്ടാകും.
ചെമ്പകത്തിന്റെ വിത്ത് വറത്ത് പൊടിച്ച് ഒരു സ്പൂണ് പൊടി തേനും നെയ്യും കൂട്ടി സേവിച്ചാല് ശരീര പുഷ്ടി ഉണ്ടാകും ഓജസ്സ് വര്ധിക്കും.
ചെമ്പകത്തിന്റെ വേര് അരിക്കാടിയില് അരച്ച് പഴകിയ വ്രണത്തില് തേച്ചാല് വ്രണം പെട്ടെന്ന് ഉണങ്ങും. ഇത് കുറേശ്ശെ ഉള്ളില് കഴിക്കുകയും വേണം.
ചെമ്പകത്തിന്റെ തൊലി മോരില് അരച്ച് തേച്ചാല് വ്രണം പെട്ടെന്ന് പാകം വന്ന് പൊട്ടി ഒലിച്ച് ഉള്ളിലെ പഴുപ്പും മറ്റു ദുഷ്ടുകളും വെളിയില് പോകും.
