തിരുവനന്തപുരം: പ്രളയദുരന്തം നേരിടുന്ന സംസ്ഥാനത്ത് ദുരിതാശ്വാസ ക്യാമ്പുകളിലും പ്രളയബാധിത പ്രദേശങ്ങളിലും കുടിവെള്ളമെത്തിക്കാന് കേരള വാട്ടര് അതോറിറ്റി 24 മണിക്കൂറും പ്രവര്ത്തിക്കുന്ന അടിയന്തര കണ്ട്രോള് റൂം തുറന്നു. 8281616255, 8281616256, 8281616257,18004255313, 8289940616, എന്നിവയാണ് വെള്ളയമ്പലം വാട്ടര് അതോറിറ്റി ആസ്ഥാനത്തെ കണ്ട്രോള് റൂം നമ്പറുകള്. 9495998258 എന്ന വാട്സ്ആപ്പ് നമ്പരും പ്രവര്ത്തനസജ്ജമാണ്. തിരുവനന്തപുരം, കൊച്ചി, കോഴിക്കോട് ചീഫ് എഞ്ചിനീയര്മാരുടെ ഓഫീസിലും എല്ലാ ജില്ലാ സര്ക്കിള് ഓഫീസുകളിലും 24 മണിക്കൂറും പ്രവര്ത്തിക്കുന്ന കണ്ട്രോള് റൂമുകള് തുറന്നു. 8547638230 (തിരുവനന്തപുരം), 0484 2361369 (കൊച്ചി), 8281597985 (കോഴിക്കോട്) എന്നിവയാണ് ചീഫ് എഞ്ചിനീയര് ഓഫീസുകളിലെ കണ്ട്രോള് റൂം നമ്പറുകള്.
ജലലഭ്യത കുറഞ്ഞ സ്ഥലങ്ങളില് ജില്ലാഭരണകൂടവുമായും തദ്ദേശസ്വയംഭരണ സ്ഥാപനങ്ങളുമായും സഹകരിച്ച് കുടിവെള്ളമെത്തിക്കാന് അതോറിറ്റി ഉദ്യോഗസ്ഥര് കൂടി അംഗങ്ങളായ ജലസംഘങ്ങള് പ്രവര്ത്തിക്കും. ഇതിനായി എല്ലാ ജില്ലകളിലും വാട്ടര് അതോറിറ്റി ഉദ്യോഗസ്ഥരെ നോഡല് ഓഫീസര്മാരായി ചുമതലപ്പെടുത്തി. നോഡല് ഓഫീസര്മാരുടെ മൊബൈല് നമ്പരുകള്: തിരുവനന്തപുരം-9447797878, കൊല്ലം-8547638018, പത്തനംതിട്ട-8547638027, ആലപ്പുഴ-8547638043, കോട്ടയം-8547638029, ഇടുക്കി-8547638451, എറണാകുളം-9496044422, തൃശൂര്-8547638071, പാലക്കാട് 8547638023, മലപ്പുറം-8547638062, കോഴിക്കോട് 8547638024, വയനാട് 8547638058, കണ്ണൂര് 8547638025, കാസര്കോട് 8547638039.
എത്തിപ്പെടാന് കഴിയുന്ന എല്ലാ കേന്ദ്രങ്ങളിലും കുടിവെള്ളമെത്തിക്കാന് സംവിധാനം ഒരുക്കിയിട്ടുണ്ട്. ടാങ്കര് ലോറിക്കോ മറ്റു വാഹനങ്ങള്ക്കോ ചെന്നെത്താന് കഴിയാത്ത സ്ഥലങ്ങളില് വഞ്ചി, ബോട്ട് മാര്ഗങ്ങളിലൂടെ കുടിവെള്ളമെത്തിക്കാനും ശ്രമിക്കും. ജലവിതരണശൃംഖലയുള്ള സ്ഥലങ്ങളില് മാത്രമായൊതുക്കാതെ കേരളമാകെ കുടിവെള്ളമെത്തിക്കാനുള്ള ദൗത്യമാണ് ഏറ്റെടുക്കുന്നതെന്ന് വാട്ടര് അതോറിറ്റി അധികൃതര് അറിയിച്ചു.
ദിവസങ്ങളായി തുടരുന്ന കനത്ത മഴയും പ്രളയവും മൂലം സംസ്ഥാനത്ത് ശുദ്ധജലവിതരണത്തില് കുറവുവരുത്തേണ്ടി വന്നിട്ടുണ്ട്. ജലശുദ്ധീകരണശാലകള്ക്ക് കൈകാര്യം ചെയ്യാവുന്നതിലധികമുള്ള കലങ്ങല്, പമ്പ് ഹൗസുകള് വെള്ളത്തിനടിയിലാകുന്നത്, പൈപ്പുകളുടെ സ്ഥാനചലനം, വൈദ്യുതി തകരാറ് എന്നിവ കാരണം ജലശുദ്ധീകരണത്തില് 30 ശതമാനം കുറവുവന്ന സാഹചര്യത്തില് ശുദ്ധജലം നിയന്ത്രിച്ച് ഉപയോഗിക്കണമെന്നും വാട്ടര് അതോറിറ്റി ജനങ്ങളോട് അഭ്യര്ഥിച്ചു.
പ്രളയജലം താഴുന്നതോടുകൂടി പ്രവര്ത്തനരഹിതമായ കുടിവെള്ള പദ്ധതികളുടെ അറ്റകുറ്റപ്പണി യുദ്ധകാലാടിസ്ഥാനത്തില് പൂര്ത്തീകരിച്ച് പ്രവര്ത്തനം പൂര്ണതോതില് പുനരാരംഭിക്കുന്നതാണ്. പ്രളയബാധിത സാഹചര്യത്തില് കുടിവെള്ളം തിളപ്പിച്ചു മാത്രം ഉപയോഗിക്കാനും പാഴാക്കാതെ ഉപയോഗം പരിമിതപ്പെടുത്താനും വാട്ടര് അതോറിറ്റി അഭ്യര്ഥിച്ചു.
