കുമളി: മുല്ലപ്പെരിയാര് അണക്കെട്ടിലെ ജലനിരപ്പ് ഇന്നലെ ഉച്ചയോടെ 130 അടിയായി ഉയര്ന്നു. അണക്കെട്ടിന്റെ വൃഷ്ടിപ്രദേശത്ത് ശക്തമായ മഴ പെയ്യുന്നതിനാല് വരും ദിവസങ്ങളില് ജലനിരപ്പ് വീണ്ടും ഉയരാന് തന്നെയാണ് സാധ്യത. സെക്കന്ഡില് 5650 ഘനയടി വെള്ളം സംഭരണിയിലേക്ക് എത്തുമ്പോള് കേവലം 1800 ഘനയടി മാത്രമാണ് തമിഴ്നാട് കൊണ്ടുപോകുന്നത്.
കേരളത്തിന്റെ അതിര്ത്തി പ്രദേശങ്ങളായ കമ്പം, ഗൂഡലൂര് തുടങ്ങിയ സ്ഥലങ്ങളില് മഴയുള്ളതിനാല് തമിഴ്നാട്ടിലെ ചെറിയ സംഭരണികളെല്ലാം ജലസമൃദ്ധമാണ്. ഇടുക്കി ജില്ലയില് ശക്തമായ മഴ മൂലം മുല്ലപ്പെരിയാര് അണക്കെട്ടിന്റെ ഭാഗമായ തേക്കടിയിലേക്കുള്ള വിനോദസഞ്ചാരികളുടെ വരവ് കുറഞ്ഞു.
