തിരുവനന്തപുരം: കാലവര്ഷ കെടുതികള് വിലയിരുത്തി നഷ്ടപരിഹാര തുക കാലതാമസമില്ലാതെ വിതരണം ചെയ്യണമെന്ന് മുഖ്യമന്ത്രി പിണറായി വിജയന് ജില്ലാ കലക്ടര്മാര്ക്ക് നിര്ദ്ദേശം നല്കി. വീഡിയോ കോണ്ഫറന്സ് വഴി ജില്ലാ കളക്ടര്മാരുമായി കാലവര്ഷ കെടുതികള് വിലയിരുത്തുകയായിരുന്നു അദ്ദേഹം.
ആശ്വാസം പെട്ടെന്നെത്തിക്കുക എന്നത് പ്രധാനമാണ്. ജില്ലാ കലക്ടര്മാര് കൂടുതല് ജാഗ്രത പുലര്ത്തണം.വെള്ളപ്പൊക്കം ഉണ്ടാവുന്ന ചില സ്ഥലങ്ങളില് കുടിവെള്ളം എത്തിക്കേണ്ടി വരും. അതിനാവശ്യമായ നടപടി സ്വീകരിക്കണമെന്ന് അദ്ദേഹം ആവശ്യപ്പെട്ടു.
പകര്ച്ചവ്യാധികള്ക്കെതിരെ മുന്കരുതലുകള് സ്വീകരിക്കണം. അടിയന്തരസാഹചര്യം നേരിടുന്നതിന് ആശുപത്രികള് സജ്ജമായിരിക്കണം. ദുരിതാശ്വാസ ക്യാമ്പുകളില് അസുഖമുള്ളവരുണ്ടെങ്കില് അവര്ക്ക് പ്രത്യേക ശ്രദ്ധ നല്കണമെന്നും മുഖ്യമന്ത്രി നിര്ദ്ദേശിച്ചു.
