കൊച്ചി: ഉപരാഷ്‌ട്രപതി വെങ്കയ്യ നായിഡു ഞായറാഴ്ച കൊച്ചിയിലെത്തും. ഉച്ചകഴിഞ്ഞ് 2.10ന് നേവല്‍ എയര്‍പോര്‍ട്ടിലെത്തുന്ന ഉപരാഷ്‌ട്രപതിക്കു സംസ്ഥാന സര്‍ക്കാര്‍ ഔദ്യോഗിക സ്വീകരണം നല്‍കും. 2.20ന് നേവല്‍ എയര്‍പോര്‍ട്ടില്‍നിന്നു റോഡ് മാര്‍ഗം ഗസ്റ്റ് ഹൗസിലെത്തും.
തുടർന്ന് ഗസ്റ്റ് ഹൗസില്‍ താമസിക്കുന്ന അദ്ദേഹം 30നു രാവിലെ 11.30ന് നേവല്‍ എയര്‍പോര്‍ട്ടിലേക്കും അവിടെനിന്നു 11.50ന് നേവിയുടെ ഹെലികോപ്ടറില്‍ തിരുവല്ലയ്‌ക്കും പോകും. തിരുവല്ലയില്‍ ഡോ. ഫിലിപ്പോസ് മാര്‍ ക്രിസോസ്റ്റം തിരുമേനിയെ ആദരിക്കുന്ന ചടങ്ങില്‍ മുഖ്യാതിഥിയായി പങ്കെടുക്കും. 4.55ന് കൊച്ചി നേവല്‍ എയര്‍പോര്‍ട്ടിലെത്തി അഞ്ചിന് ദല്‍ഹിക്കു മടങ്ങും.
കൊച്ചിയില്‍ ഔദ്യോഗിക പരിപാടികളില്ല. 29നു കാസര്‍ഗോഡ് കേന്ദ്രസര്‍വകലാശാലയുടെ പുതിയ ക്യാമ്പസ് ഉദ്ഘാടനചടങ്ങില്‍ പങ്കെടുത്തശേഷമാണ് അദ്ദേഹം കൊച്ചിയിലെത്തുന്നത്. സുരക്ഷാ ക്രമീകരണങ്ങള്‍ വിലയിരുത്താന്‍ എറണാകുളം ഗസ്റ്റ് ഹൗസില്‍ കളക്ടര്‍ മുഹമ്മദ് സഫീറുള്ളയുടെ അധ്യക്ഷതയില്‍ ഇന്നലെ യോഗം ചേര്‍ന്നു.
