തിരുവനന്തപുരം: കഴിഞ്ഞ രണ്ടു ദശകത്തിനുള്ളില് വനിതകള് വിദ്യാഭ്യാസപരമായി ആര്ജ്ജിച്ച ഉയര്ച്ചയ്ക്ക് അനുസരിച്ച് തൊഴില്മേഖലയില് വര്ദ്ധനവ് ഉണ്ടായില്ലെന്ന് മിനി സുകുമാര്.
അന്താരാഷ്ട്ര വനിതാദിനാഘോഷത്തിന്റ ഭാഗമായി സംസ്ഥാന വനിതാവികസന കോര്പ്പറേഷന് സംഘടപ്പിച്ച ”സ്ത്രീയും തൊഴിലും” സംവാദത്തില് വിഷയാവതരണം ആയിരുന്നു അവര്. തൊഴില് ലോകത്ത് കുറഞ്ഞുകൊണ്ടിരിക്കുകയാണ്. അത് സ്ത്രീകളെയും ബാധിക്കുന്നുണ്ട്. കാര്ഷികമേഖല തകര്ന്നതോടെ സ്ത്രീകള് കൂടുതലും എത്തിയത് സേവനമേഖലയിലാണ്. തൊഴില്മേഖലയില് സ്ത്രീകള്ക്ക് തുല്യ പങ്കാളിത്തമില്ല. ഇതിന് സാംസ്കാരികവും സാമൂഹികവുമായ കാരണങ്ങളുണ്ടെന്നും അവര് പറഞ്ഞു.
തൊഴില്മന്ത്രി ടി.പി. രാമകൃഷ്ണന് സംവാദം ഉദ്ഘാടനം ചെയ്തു. വനിതാ വികസന കോര്പ്പറേഷന് ചെയര്പേഴ്സണ് കെ.എസ്. സലീഖ ആമുഖപ്രസംഗം നടത്തി. ഡോ. റഹുമത്തുന്നിസ മോഡറേറ്റര് ആയിരുന്നു. പി.കെ. സൈനബ, സോണിയ ജോര്ജ് തുടങ്ങിയവര് പങ്കെടുത്തു.
