ചെന്നൈ: കേരളാ-തമിഴ്നാട് അതിര്ത്തിയിലെ കുരങ്ങണി വനത്തിലെ കാട്ടുതീയില് അകപ്പെട്ടവരില് മലയാളിയും. കോട്ടയം സ്വദേശി ബീനയാണ് സംഭവസ്ഥലത്ത് കുടുങ്ങിയിരിക്കുന്നത്. ബീനയടക്കമുള്ളവരെ വനത്തിന് പുറത്തെത്തിക്കാന് ശ്രമം തുടരുകയാണ്. ഗുരുതര പൊള്ളലേറ്റ എട്ടു പേരാണു മരിച്ചതെന്നറിയുന്നു.
25 സ്ത്രീകളും എട്ട് പുരുഷന്മാരും മൂന്നു കുട്ടുകളുമുള്പ്പെടെ 36 പേരാണ് കാട്ടില് കുടുങ്ങിയതെന്നാണ് അധികൃതര് നല്കുന്ന വിവരം. ഇതില് 19 പേരെ രക്ഷപെടുത്തിയിരുന്നു. രക്ഷാപ്രവര്ത്തനത്തിന് കേരളത്തില്നിന്ന് കൂടുതല് വനംവകുപ്പ് ഉദ്യോഗസ്ഥരും തേനിയിലെത്തിയിട്ടുണ്ട്.
വ്യോമസേനയുടെ ഹെലികോപ്റ്ററുകള് സ്ഥലത്ത് രക്ഷാപ്രവര്ത്തനം നടത്തുന്നുണ്ട്. രക്ഷാപ്രവര്ത്തനത്തിന് അടിയന്തര നടപടികള് സ്വീകരിക്കാന് വ്യോമസേ നയ്ക്കു പ്രതിരോധ മന്ത്രി നിര്മല സീതാരാമന് നിര്ദേശം നല്കി.
