ന്യൂദല്ഹി: രാഹുല് ഗാന്ധി അബദ്ധം പറഞ്ഞു, അന്ധാളിച്ചു നിന്നു. പക്ഷേ, ആ അമളി മറയ്ക്കാന് കോണ്ഗ്രസ് പാര്ട്ടി വ്യാജ വീഡിയോ പ്രചരിപ്പിച്ചു, അബദ്ധത്തിലായി. സിംഗപ്പൂരില് നാഷണല് യൂണിവേഴ്സിറ്റിയിലെ ലീ കുവാന് യ്യൂ സ്കൂള് ഓഫ് പബ്ലിക് പോളിസിയില് നടന്ന സംവാദമാണ് ഇപ്പോള് വിവാദമാകുന്നത്.
രാുഹല് ഗാന്ധി, പ്രതിച്ഛായ മെച്ചപ്പെടുത്തുന്നതിന്റെ ഭാഗമായി വിദേശരാജ്യങ്ങളില് വിവിധ പരിപാടികള് ആസൂത്രണം ചെയ്യുന്നുണ്ട്. അങ്ങനെയൊന്നായിരുന്ന സിംഗപ്പൂരിലേത്. ഇന്ത്യക്കാരില് പ്രമുഖര് പരിപാടിയില് പങ്കെടുത്തു. അവര് ചോദിച്ച ചോദ്യങ്ങളില് പലതിനും അരിയെത്ര, പയറഞ്ഞാഴിയെന്ന മട്ടിയാണ് മറുപടി നല്കിയത്.
ഇടയ്ക്ക് ‘ഏഷ്യാ റീ ബോണ്’ എന്ന പ്രശസ്ത പുസ്തകമെഴുതിയ സാമ്പത്തിക ശാസ്ത്രജ്ഞന്കൂടിയായ ഡോ. പി.കെ.. ബാസുവിന്റെ ചോദ്യം രാഹുലിനെ കുഴക്കി. രാഹുല് വെള്ളം കുടിച്ചു. മറുപടി പറയാനാവാതെ കുഴങ്ങി. ഒടുവില് എന്താണ് താങ്കളുചോദ്യമെന്ന് തിരിച്ചു ചോദിച്ചു. അതോടെ രാഹുലിനെ ഡോ. ബാസു ‘പൊളിച്ചടുക്കി.’ ഈ വീഡിയോ വ്യാപകമായി പ്രചരിച്ചു.
അപ്പോഴാണ് കോണ്ഗ്രസ് പാര്ട്ടി ഔദ്യോഗികമായി അതിന്റെ വ്യാജ വീഡിയോ ഇറക്കിയത്. രണ്ടും കണ്ട് തിരിച്ചറിഞ്ഞവര് സാമൂഹ്യ മാദ്ധ്യമത്തിലും മറ്റും രാഹുലിനെയും വീഡിയോയേയും കോണ്ഗ്രസിനെയും പരിഹസിച്ച് വിമര്ശിക്കുയാണ്.
ഡോ. ബാസുവിന്റെ ചോദ്യം ഇതായിരുന്നു:
”എന്തുകൊണ്ടാണ് കോണ്ഗ്രസ് ഭരണകാലത്ത് ഇന്ത്യയിലെ പ്രതിശീര്ഷ വരുമാനം ലോക ശരാശരിയില്നിന്ന് താഴേക്ക് താഴേക്ക് പതിക്കുകയും നിങ്ങള് അധികാരം വിട്ടപ്പോള് പ്രതീശീര്ഷ വരുമാനം കുത്തനെ കൂടുകയും ചെയ്തത്?”
ഈ ചോദ്യം കേട്ടപ്പോള് രാഹുല് വിളറി. താഴെ ഇടതുവശത്ത് വെച്ചിരുന്ന വെള്ളം കുപ്പിയില്നിന്ന് നേരിട്ട് കുടിക്കുകയും മറുപടിക്ക് കുഴങ്ങുകയും ചെയ്തു. ഇതാണ് യഥാര്ത്ഥ വീഡിയോ.
എന്നാല്, കോണ്ഗ്രസ് ഔദ്യോഗിക ട്വിറ്റര് വഴി പ്രചരിപ്പിച്ച വ്യാജ വീഡിയോ രാഹുല് ‘പൊട്ടിച്ചിരിച്ച്’മറുപടി പറയുന്നതായാണ്.
അതിന് അടിക്കുറിപ്പും ഇങ്ങനെ എഴുതി: ”രാഷ്ട്രീയ സംവാദങ്ങള് ദിനംപ്രതി തരം താഴുമ്പോള് എങ്ങനെയാണ് അത്തരം നിന്ദകരെയും അവരുടെ ഭോഷ്കുകളെയും നര്മ്മത്തോടെ കൈകാര്യം ചെയ്യുന്നതെന്ന് രാഹുല് ഗാധനി കാട്ടിത്തരുന്നു,” എന്നും!
ആദ്യത്തേത് സിംഗപ്പൂരിലെ യഥാര്ത്ഥ വീഡിയോ.
താഴെ കോണ്ഗ്രസ് പ്രചരിപ്പിച്ച വ്യാജ വീഡിയോ.
വ്യത്യാസങ്ങള് ഇതാണ്.
1. നാല്പ്പതാം സെക്കന്ഡില് ഒരു ഫ്ളാഷ് ചേര്ത്തു.
2. നാല്പ്പത്തിയൊന്നാം സെക്കന്ഡില് സംഭാഷണം അപൂര്ണ്ണമായി നിര്ത്തി പുതിയ ശബ്ദം ചേര്ത്തിരിക്കുന്നു.
3. അമ്പത്തിയെട്ടാം സെക്കന്ഡില് രാഹുല് സംഭാഷണത്തില് ഇടപെടുന്നതായി ചേര്ത്തിരിക്കുന്നു.
4. ഒരുമിനുട്ട് 17 സെക്കന്ഡ് കഴിയുമ്പോള് വീണ്ടും ഫ്ളാഷ്.
കോണ്ഗ്രസ് വിട്ടുകളഞ്ഞത് ഇതൊക്കെയാണ്.
- മോഡറേറ്റര് പറയുന്നു, അത് ‘കത്യമായ’ ചോദ്യമാണ്.
- സദസ്യര് ഡോ. ബാസുവിന്റെ ചോദ്യത്തിന് കൈയടിക്കുന്നു
- രാഹുലിന്റെ മറുപടിക്കിടെ ബാസു ഇടപെടുന്നു.
- പതറിയ രാഹുല് കുടിവെള്ളം തപ്പിയെടുക്കുന്നു.
- ഡോ. ബാസു ചോദ്യം വിശദീകരിക്കുമ്പോള് രാഹുല് വെള്ളം കുടിക്കുന്നു.
- മോഡറേറ്റര് ബാസുവിന്റെ ചോദ്യത്തിനില് ഇടപെടുന്നു
- മറുപടിക്ക് രാഹുല് തപ്പിത്തടയുന്നു.
- ചോദ്യം ചോദിക്കുന്ന ബാസുവിനെ മോഡറേറ്റര് വിക്കുന്നു.
- രാഹുലിന് മറുപടിയില്ലേ എന്ന് സദസ്യര് ചോദിക്കുന്നു.
രാഹുലിനെ വിമര്ശിക്കുകയും ചോദ്യങ്ങള്ക്ക് രാഹുല് പതറുകയും ചെയ്യുന്ന മറ്റു സംഭവങ്ങളും ഉണ്ടായി.
