ശ്രീദേവിയുടെ മരണത്തില്‍ പ്രധാനമന്ത്രി അനുശോചനം രേഖപ്പെടുത്തി

ന്യൂദല്‍ഹി: പ്രശസ്ത ബോളിവുഡ് താരം ശ്രീദേവിയുടെ മരണത്തില്‍ ഇന്ത്യന്‍ പ്രധാനമന്ത്രി നരേന്ദ്രമോദി അനുശോചനം രേഖപ്പെടുത്തി. ‘വിസ്മരിക്കാനാവാത്ത വിവിധ കഥാപാത്രങ്ങള്‍ക്ക് ജീവന്‍ നല്‍കിയ താരമാണ് ശ്രീദേവി. അവരുടെ കുടുംബത്തിന്റെ ദു:ഖത്തില്‍ പങ്കുചേരുന്നു-‘ പ്രധാനമന്ത്രിയുടെ ഓഫീസ് ട്വീറ്റ് ചെയ്തു. 

യുഎഇയിലെ റാസല്‍ഖൈമയില്‍ വച്ച്‌ ഹൃദയാഘാതത്തെ തുടര്‍ന്ന് ഇന്നലെ രാത്രി 11.30 യോടെ ആയിരുന്നു ശ്രീദേവിയുടെ മരണം. ശ്രീദേവിയുടെ മൃതദേഹം ഇന്ന് മുംബൈയില്‍ എത്തിക്കും. മൃതദേഹം ദുബൈയില്‍ നിന്നും ഇന്ന് പ്രത്യേക വിമാനത്തിലാണ് മുംബൈയില്‍ എത്തിക്കുന്നത്. 

ബാന്ദ്രയിലും അന്ധേരിയിലും ഇവര്‍ക്ക് വീടുകളുണ്ട്. ഇവിടെ ഒരു സ്ഥലത്ത് മൃതദേഹം പൊതുദര്‍ശനത്തിന് വെക്കും. മരണവാര്‍ത്ത അറിഞ്ഞത് മുതല്‍ ഇരു സ്ഥലങ്ങളിലേക്കും ആരാധകരുടെ പ്രവാഹമാണ്.

Saddened by the untimely demise of noted actor Sridevi. She was a veteran of the film industry, whose long career included diverse roles and memorable performances. My thoughts are with her family and admirers in this hour of grief. May her soul rest in peace: PM @narendramodi

— PMO India (@PMOIndia) February 25, 2018