മലയിന്കീഴ്: പൊതുവിദ്യാഭ്യാസ സംരക്ഷണ യജ്ഞത്തിന്റെ ഭാഗമായി മലയിന്കീഴ് ഗവ. ഗേള്സ് ഹയര് സെക്കന്ററി സ്കൂളിനെ അന്താരാഷ്ട്ര നിലവാരത്തിലേക്ക് ഉയര്ത്തുന്നതിന് തിരഞ്ഞെടുത്തു. മികവിന്റെ കേന്ദ്രമാക്കി മാറ്റുന്ന ഈ സ്കൂളിന്റെ സമഗ്രവികസനത്തിന് 8.55 കോടിരൂപയുടെ ഡിപിസി അംഗീകരിച്ചതായി വാര്ത്താ സമ്മേളനത്തില് ജില്ലാപഞ്ചായത്ത് അംഗം വി.ആര്. രമാകുമാരി പറഞ്ഞു.
5 കോടി രൂപ സര്ക്കാര് അനുവദിച്ചിട്ടുണ്ട്. പൊതുജന പങ്കാളിത്തത്തോടെ പദ്ധതി നടപ്പാക്കാനാണ് ലക്ഷ്യമിടുന്നത്. ഇന്ന് ഉച്ചയ്ക്ക് 2ന് മലയിന്കീഴ് ദ്വാരക ആഡിറ്റോറിയത്തില് ‘ആശയ വിനിമയ സദസ്’ ജില്ലാപഞ്ചായത്ത് പ്രസിഡന്റ് വി.കെ. മധു ഉദ്ഘാടനം ചെയ്യും. ഐ.ബി. സതീഷ്. എംഎല്എ അധ്യക്ഷത വഹിക്കും. ജില്ലാപഞ്ചായത്തംഗം വി.ആര്. രമാകുമാരി, പൊതുവിദ്യാഭ്യാസ ഡയറക്ടര് എ. ഷാജഹാന്, ഡോ പി.കെ. രാജശേഖരന്, മുരുകന് കാട്ടാക്കട, മലയിന്കീഴ് പഞ്ചായത്ത് പ്രസിഡന്റ് എസ്. ചന്ദ്രന്നായര്, നേമം ബ്ലോക്ക് പഞ്ചായത്ത് പ്രസിഡന്റ് എല്. ശകുന്തളകുമാരി, വൈസ് പ്രസിഡന്റ് വിളപ്പില് രാധാകൃഷ്ണന്, ജനപ്രതിനിധികളായ വി.എസ്. ശ്രീകാന്ത്, എല്. അനിത, പിടിഎ പ്രസിഡന്റ് എസ്.വി. ജയാനന്ദന്, എ. അനില്കുമാര്, ജയന് കെ.പണിക്കര്, ജി. പങ്കജാക്ഷന്, വി.എസ്. പ്രവീണ്, എന്.ബി. പത്മകുമാര്, എ.എസ്. രാജീവ് എന്നിവര് സംസാരിക്കും. മലയിന്കീഴ് പഞ്ചായത്ത് പ്രസിഡന്റ് എസ്. ചന്ദ്രന്നായര്, സ്കൂള് പ്രിന്സിപ്പാള് ഡോ. ജീജ, പഞ്ചായത്തംഗം വി.എസ്. ശ്രീകാന്ത് എന്നിവര് വാര്ത്താ സമ്മേളനത്തില് പങ്കെടുത്തു.
