ഹിന്ദുകുടുംബത്തില് ചുരുങ്ങിയത് നാലു കുട്ടികള് വേണമെന്ന് വിശ്വഹിന്ദുപരിഷത് നേതാവ് ഗുരു ഗോവിന്ദ് ദേവ് അഭിപ്രായപ്പെട്ടിരിക്കുന്നു. ജനസംഖ്യയിലെ അസന്തുലിതാവസ്ഥ നിയന്ത്രിക്കാന് ഇതല്ലാതെ വേറെ മാര്ഗ്ഗമില്ലെന്നും അദ്ദേഹം കൂട്ടിച്ചേര്ത്തു. കേരളത്തെ സംബന്ധിച്ചിടത്തോളം അദ്ദേഹത്തിന്റെ അഭിപ്രായ പ്രകടനം അതീവ ശ്രദ്ധേയമാണ്.
കേരളത്തില് പൊതുവേ ജനസംഖ്യ കുറഞ്ഞപ്പോള് മലപ്പുറം ജില്ലയില് ജനസംഖ്യ വര്ധിച്ചതായിട്ടാണ് വാര്ത്ത. കൂടുതല് കുട്ടികളെ ജനിപ്പിക്കുന്നതിന് പ്രോത്സാഹനം നല്കാന് കത്തോലിക്കാ സഭയും ചില പരിപാടികള് ആസൂത്രണം ചെയ്തിട്ടുള്ളതായി അറിയുന്നു. അതിന്റെ ഗുണഫലം കാണാനിരിക്കുന്നതേയുള്ളൂ.
കേന്ദ്ര-സംസ്ഥാന സര്ക്കാരുകള് കുടുംബാംസൂത്രണ പ്രവര്ത്തനങ്ങള്ക്കായി കോടിക്കണക്കിന് രൂപ ചെലവഴിക്കുമ്പോഴാണ് സര്ക്കാര് നയങ്ങള്ക്കെതിരായി ചിലര് പരസ്യമായിത്തന്നെ പ്രവര്ത്തിക്കുന്നത്. മറ്റേതെങ്കിലും രാജ്യത്തായിരുന്നെങ്കില് ഇതൊരു രാജ്യദ്രോഹക്കുറ്റമായി കരുതുമായിരുന്നു.
കുടുംബാംസൂത്രണ സംബന്ധമായ സര്ക്കാരിന്റെ നിര്ദ്ദേശങ്ങളെല്ലാം അക്ഷരാര്ത്ഥത്തില് അനുസരിക്കുന്നത് ഹിന്ദുക്കള് മാത്രമാണ്. അതാണ് ഹിന്ദുക്കളുടെ സംഖ്യ ക്രമാതീതമായി കുറയാന് കാരണം. ഹിന്ദുക്കള് ഇനിയും ഉണരേണ്ടിയിരിക്കുന്നു.
വി.എസ്. ബാലകൃഷ്ണപിള്ള,
മണക്കാട്, തൊടുപുഴ
