പട്ടാമ്പി:കട അടച്ച് വിട്ടിലേക്ക് ബൈക്കില് മടങ്ങുകയായിരുന്ന വ്യാപാരിക്ക് നേരെ ആക്രമണം. പട്ടാമ്പി അറയ്ക്കല് ജ്വല്ലറിയിലെ മരക്കാര് ഹാജിയെയാണ് (70) ബൈക്കിലെത്തിയ മൂന്ന് അംഗ സംഘം ആക്രമിച്ചത്. ഇരുമ്പ് വടി കൊണ്ട് അടിക്കുകയും കത്തി കൊണ്ട് കുത്തുകയും ചെയ്തു. കഴിഞ്ഞ ദിവസം രാത്രിയാണ് സംഭവം.
പട്ടാമ്പിയില് നിന്നും വിളത്തുരിലെ വിട്ടിലേക്ക് പോകുകയായിരുന്നു മരക്കാര് ഹാജി. കൊപ്പം ഒന്നാന്തി പടിക്ക് സമീപത്ത് വെച്ചാണ് ബൈക്കില് മുഖമുടി ധരിച്ച് എത്തിയ സംഘം ആക്രമിച്ചത്. തുടര്ന്ന് ഇയാളുടെ കൈ വശമുണ്ടായിരുന്ന ബാഗ് തട്ടി പറിച്ച് സംഘം കടന്ന് കളയുകയായിരുന്നു. ബാഗില് പണമോ, ആഭരണങ്ങളോ ഉണ്ടായിരുന്നില്ല.
സംഭവത്തിന് ശേഷം നാട്ടുകാര് മരക്കാര് ഹാജിയെ പട്ടാമ്പിയിലെ സ്വകാര്യ ആശുപത്രിയില് പ്രവേശിപ്പിച്ചു. കൈക്കും പുറത്തും പരിക്ക് പറ്റിയിട്ടുണ്ട്. പട്ടാമ്പി പോലിസ് സ്ഥലത്ത് എത്തി അന്വേഷണം നടത്തി.
