കെ.വി.ഹരിദാസ്
കോട്ടയം: ടിക്കറ്റ്് മെഷീനുകള് തുടര്ച്ചയായി തകരാറിലാകുന്നത് കെഎസ്ആര്ടിസിക്ക് സാമ്പത്തിക പ്രതിസന്ധിയുണ്ടാക്കുന്നു. തകരാറിലാകുന്ന മെഷീനുകള്ക്ക് പകരം നല്കുന്നതിന് റിസര്വ്വ് മെഷീനുകള് കുറവായതിനാല് കണ്ടക്ടര്മാര് ഡ്യൂട്ടിക്കെത്തുന്നതിലും കുറവ് വന്നിട്ടുണ്ട്. ഇത് ശബരിമല സര്വ്വീസുകളെയും ബാധിക്കാനുള്ള സാധ്യതയേറിയിരിക്കുകയാണ്.
കോട്ടയം ജില്ലയിലെ വിവിധ ഡിപ്പോകളില് പകുതിയിലേറെ ടിക്കറ്റ് മെഷീനുകള് തകരാറിലാണ്. തകരാറിലായ മെഷീനു പകരം പഴയ ടിക്കറ്റ്് റാക്ക്് ഉപയോഗിക്കാനാണ് കെഎസ്ആര്ടിസി ജീവനക്കാര്ക്ക് നല്കിയ നിര്ദ്ദേശം. എന്നാല് പഴയ ടിക്കറ്റ്് റാക്ക്് ഉപയോഗിക്കാനുള്ള പരിചയക്കുറവ് പുതിയ കണ്ടക്ടര്മാര്ക്ക് ബുദ്ധിമുട്ടാകുന്നുണ്ട്. മാത്രമല്ല ജോലി കഴിഞ്ഞു കണക്കു തീര്ക്കുമ്പോള് പണം നഷ്ടമാകുന്നതായും കണ്ടക്ടര്മാര് പരാതിപ്പെടുന്നു.
പണം നഷ്ടപ്പെടുമെന്ന ഭയവും പരിചയക്കുറവും കണ്ടക്ടര്മാരെ അവധിയില് പ്രവേശിക്കാന് പ്രേരിപ്പിക്കുന്നുണ്ട്. ജില്ലയില് ആകെ 106 ഷെഡ്യുളാണ് ഉള്ളത്. ഇതില് 80 ഷെഡ്യുളാണ് നിലവിലുള്ളത്. 25 മെഷീനുകളാണ് ഇപ്പോള് പ്രവര്ത്തന സജ്ജമായിട്ടുള്ളത്. നിലവിലുള്ളത് അടിയന്തിര പ്രധാന്യത്തോടെ നന്നാക്കുകയോ, പുതിയത് വാങ്ങിക്കുകയോ വേണം.
എന്നാല് ഇക്കാര്യത്തില് അധികൃതരുടെ ഭാഗത്തുനിന്ന് നടപടികളൊന്നുമില്ലെന്ന് ജീവനക്കാര് പറയുന്നു. ടിക്കറ്റ് മെഷീന് വിതരണം ചെയ്തത് ബെംഗളൂരു കേന്ദ്രമായി പ്രവര്ത്തിക്കുന്ന ക്വാന്ഡം ആമയോണ് എന്ന കമ്പനിയാണ്. ഇവരാണ് മെഷീന്റെ തകരാര്് പരിഹരിക്കേണ്ടത്. എന്നാല് കമ്പനിയുമായി കരാര് അവസാനിച്ചതോടെ മെഷീനുകള് ജീവനക്കാര് സ്വന്തം കയ്യിലെ പണം നല്കി നന്നാക്കാനാണ് കെഎസ്ആര്ടിസി മാനേജ്മെന്റ് പറയുന്നത്. മെഷീനുകളുടെ കവര് ഗുണനിലവാരം കുറഞ്ഞതായതിനാല്വേഗത്തില് നഷ്ടപ്പെടും.ഇതിനും കണ്ടക്ടര്മാര് സ്വന്തം കയ്യിലെ പണം മുടക്കണം.
