ഗുരുവായൂര്: പാര്ത്ഥസാരഥി ക്ഷേത്രം പിടിച്ചെടുത്ത മലബാര് ദേവസ്വം ബോര്ഡ് നടപടി ഹിന്ദു സമൂഹത്തോടുള്ള വെല്ലുവിളിയാണെന്ന് ഗുരുവായൂരില് നടന്ന ഹിന്ദു നേതൃസമ്മേളനം ആരോപിച്ചു. ക്ഷേത്ര ഭരണവും സ്വത്തും സര്ക്കാരിന്റെ നേരിട്ടുള്ള നിയന്ത്രണത്തിലാക്കാനുള്ള ഗൂഢാലോചനയാണ് പാര്ത്ഥസാരഥി ക്ഷേത്രം പിടിച്ചെടുക്കല് നടപടി.
ക്ഷേത്ര ഭരണ കൈയ്യേറ്റത്തിനെതിരെ 25 ന് ഗുരുവായൂര് ടൗണ് ഹാളില് വിമോചന കണ്വെന്ഷന് വിളിച്ചു ചേര്ത്ത് അനിശ്ചിതകാല പ്രക്ഷോഭമാരംഭിക്കും.
നേതൃസമ്മേളനം വിശ്വഹിന്ദു പരിഷത്ത് സംസ്ഥാന പ്രസിഡണ്ട് എസ്.ജെ.ആര്.കുമാര് ഉദ്ഘാടനം ചെയ്തു. എഴുത്തച്ഛന് സമാജം സംസ്ഥാന പ്രസിഡണ്ട് കെ.ജി.അരവിന്ദാക്ഷന് അധ്യക്ഷത വഹിച്ചു.ഹിന്ദു ഐക്യവേദി സംസ്ഥാന ജനറല് സെക്രട്ടറിമാരായ ഇ.എസ്.ബിജു, കെ.പി.ഹരിദാസ്, സംസ്ഥാന സെക്രട്ടറി പി.സുധാകരന്ക്ഷേത്ര സംരക്ഷണ സമിതി ജില്ലാ പ്രസിഡണ്ട് എ.പി.ഭരത് കുമാര് എന്നിവര് സംസാരിച്ചു.
ആര്.എസ്.എസ്.വിഭാഗ് സംഘചാലക് കെ.എസ്.പത്മനാഭന്, ഹരിജന് സമാജം രക്ഷാധികാരി ആചാര്യ എം.കെ.കുഞ്ഞോല്, എസ്.എന്.ഡി.പി.യൂണിയന് വൈസ് പ്രസിഡണ്ട് എം.എ.ചന്ദ്രന് ,പിഷാരോടി അമ്പലവാസി ഐക്യവേദി ചെയര്മാന് കെ.പി.ബാലകൃഷ്ണന്, കേരള സാംബവര് സൊസൈറ്റി സംസ്ഥാന സെക്രട്ടറി എം.കെ.വേണുഗോപാല്, പത്തുകുടി സര്വ്വീസ് സൊസൈറ്റി സെക്രട്ടറി ജി.രാമചന്ദ്രന് ,കെ.പി.എം.എസ്.അസി.സെക്രട്ടറി സുബ്രന് പി.കെ, ആള് ഇന്ത്യ വീരശൈവ മഹാസഭ സംസ്ഥാന സെക്രട്ടറി വി.ഗോപിനാഥ്, കേരള കുടുംബി ഫെഡറേഷന് സംസ്ഥാന ട്രഷറര് ബി.ജി.ശ്രീനിവാസന് ,കേരള ബ്രാഹ്മണസഭ ജില്ലാ സെക്രട്ടറി സി.മൂര്ത്തി, എസ്.എന്.ഡി.പി.യൂണിയന് കൗണ്സിലര് കെ.ആര്.ഉണ്ണികൃഷ്ണന്, നിര്മ്മലന് മേനോന് (ഗുരുവായൂര് നായര് സമാജം) മത്സ്യ പ്രവര്ത്തക സംഘം സംസ്ഥാന വൈസ് പ്രസിഡണ്ട് കെ.ജി.രാധാകൃഷ്ണന്, നമ്പൂതിരി യോഗക്ഷേമസഭ ജില്ലാ പ്രസിഡന്റ് ടി.എസ്.രാമന് നമ്പൂതിരി, കെ.ടി.ശിവരാമന്( ഹിന്ദു പാര്ലമെന്റ് ), വിശ്വകര്മ്മ ബ്രാഹ്മണ ധര്മ്മ സേവാ സംഘം സംസ്ഥാന പ്രസിഡണ്ട് വി.ചന്ദ്രാചാര്യ, ചെട്ടി മഹാസഭ ജില്ലാ പ്രസിഡണ്ട് കെ.വീരപ്പന്, അഖില കേരള വിശ്വകര്മ്മ മഹാസഭ സംസ്ഥാന സമിതിയംഗം പി.ചന്ദ്രന് ,ഹിന്ദു ഐക്യവേദി സംസ്ഥാന സംഘടനാ സെക്രട്ടറി സി.ബാബു, വിശ്വഹിന്ദു പരിഷത്ത് സംഘടനാ സെക്രട്ടറി എം.സി.വത്സന് തുടങ്ങിയവര് പങ്കെടുത്തു.
