പാലക്കാട്: രമേശ് ചെന്നിത്തലയുടെ പടയൊരുക്കം പാലക്കാട് ജില്ലയില് പര്യടനം നടത്തുന്ന ദിവസം തന്നെ നൂറുകണക്കിന് കോണ്ഗ്രസ്സ് പ്രവര്ത്തകര് കോണ്ഗ്രസ്സ് വിട്ട് ബിജെപിയില് ചേര്ന്നത് കോണ്ഗ്രസ്സ് മുക്ത ഭാരതം എന്ന കാഴ്ചപ്പാടിന്റെ ഭാഗമാണെന്നും, ഇത് ഒരു തുടക്കം മാത്രമാണെന്നും ബിജെപി സംസ്ഥാന ജനറല് സെക്രട്ടറി കെ.സുരേന്ദ്രന് അഭിപ്രായപ്പെട്ടു.
പെരിങ്ങോട്ടുകുറുശ്ശി, കോട്ടായി പ്രദേശങ്ങളില് നിന്നും ബിജെപിയില് ചേര്ന്നവര്ക്ക് നല്കിയ സ്വീകരണ പൊതുസമ്മേളനം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
തരൂര് മണ്ഡലം പ്രസിഡണ്ട് സി.എസ്.ദാസ് അധ്യക്ഷത വഹിച്ച യോഗത്തില് സംസ്ഥാന സെക്രട്ടറി സി.കൃഷ്ണകുമാര്, പാലക്കാട് ജില്ലാ അധ്യക്ഷന് അഡ്വ.ഇ.കൃഷ്ണദാസ്, മേഖലാ ജനറല് സെക്രട്ടറി പി.വേണുഗോപാലന്, ജില്ലാ ജനറല് സെക്രട്ടറി കെ.ജി.പ്രദീപ്കുമാര്, ജില്ലാ വൈസ് പ്രസിഡണ്ട് പി.ഭാസി, കര്ഷമോര്ച്ച ജില്ലാ അധ്യക്ഷന് കെ.ശിവദാസ് കണ്ണാടി, ന്യൂനപക്ഷമോര്ച്ച സംസ്ഥാന ജനറല് സെക്രട്ടറി കെ.എ.സുലൈമാന്, മണ്ഡലം ഭാരവാഹികളായ സദാനന്ദന്, ശ്രീകണ്ഠന്, ചിന്നപ്പന്, സന്തോഷ്, ഗോപി, വേണു തുടങ്ങിയവര് പ്രസംഗിച്ചു.
