കൊച്ചി: അഞ്ച് വയസില് താഴെയുള്ള കുട്ടികളിലെ മരണത്തിന് പ്രധാന കാരണമാകുന്ന ന്യുമോണിയയെ പ്രതിരോധിക്കാന് പദ്ധതിയുമായി ഡോക്ടര്മാര് രംഗത്ത്. ഇന്ത്യന് അക്കാദമി ഓഫ് പീഡിയാട്രിക്സ് നോ മോര് ന്യുമോണിയ” എന്ന പേരില് ബോധവത്കരണ പരിപാടികള് സംഘടിപ്പിക്കും. ലോക ന്യുമോണിയ ദിനമായ 12നാണ് രോഗത്തെ ചെറുക്കാന് കഴിയുന്ന നടപടികളെക്കുറിച്ച് അവബോധം സൃഷ്ടിക്കുന്നത്.
ഓരോ രണ്ട് മിനിട്ടിലും ഒരു കുട്ടിയെങ്കിലും ന്യൂമോണിയ രോഗം മൂലം മരിക്കുന്നുവെന്നാണ് കണക്ക്. എന്നാല് രോഗത്തെ പ്രതിരോധിക്കുന്നതിനായി ന്യൂമോകോക്കല് കോന്ജുഗേറ്റ് വാക്സിന് (പിസിവി) ഉള്പ്പെടുത്തി യൂണിവേഴ്സല് ഇമ്യൂണൈസേഷന് പ്രോഗ്രാം (യുഐപി) നടപ്പാക്കുന്നുണ്ട്. ആദ്യവര്ഷം 21 ലക്ഷം കുട്ടികളില് യുഐപി നടപ്പാക്കാനാണ് ലക്ഷ്യമിടുന്നത്. 2015ലെ കണക്കുകള് പ്രകാരം ഇന്ത്യയില് അഞ്ച് വയസില് താഴെയുള്ളവരില് ഏകദേശം 5,64,200 പേര്ക്കാണ് ന്യൂമോകോക്കല് ന്യൂമോണിയ ബാധിച്ചത്. കേരളത്തില് 4,400 ഓളം കുട്ടികളും രോഗബാധിതരാണ്.
മാരകമായ ഈ രോഗത്തെ യുഐപി പ്രതിരോധ കുത്തിവെയ്പിലൂടെ ചെറുക്കുന്നതിനായി മാതാപിതാക്കള് മുന്നോട്ട് വരണമെന്ന് കൊച്ചി വെല്കെയര് ആശുപത്രിയിലെ മെഡിക്കല് ഡയറക്ടറും കണ്സല്റ്റന്റ് പീഡിയാട്രീഷ്യനുമായ ഡോ സച്ചിദാനന്ദ കമ്മത്ത് പറഞ്ഞു. 2018-ല് 90 ശതമാനം കുട്ടികളിലും പ്രതിരോധ കുത്തിവെയ്പ് എത്തിക്കാനാണ് രാജ്യം ലക്ഷ്യമിടുന്നത്. ഡോ.എം വെങ്കിടേശ്വരന്, ഡോ. ജീസണ്.സി. ഉണ്ണി, ഡോ.വര്ഗ്ഗീസ് ചെറിയാന് തുടങ്ങിയവര് സംസാരിച്ചു.
