കരുനാഗപ്പള്ളി: ഓച്ചിറയില് വീടാക്രമിച്ച് ആര്എസ്എസ് പ്രവര്ത്തകനെ പരിക്കേല്പ്പിച്ച കേസിന്റെ വിവരം അന്വേഷിക്കാന് എത്തിയ ആര്എസ്എസ് കൊല്ലം ജില്ലാ, താലൂക്ക് ഭാരവാഹികളെ കരുനാഗപ്പള്ളി സിഐ രാജേഷ് കുമാര് അസഭ്യം പറയുകയും കയ്യേറ്റം ചെയ്യാനും ശ്രമിച്ചു. ഒരാഴ്ചയായി കരുനാഗപ്പള്ളിയുടെ വിവിധ ഭാഗങ്ങളില് ആര്എസ്എസ് പ്രവര്ത്തകര്ക്കെതിരെ അക്രമം നടന്നു വരികയാണ്. തൊടിയൂരില് ആര്എസ്എസ് പ്രവര്ത്തകന്റെ രണ്ട് ബൈക്കുകള് കത്തിച്ചു. പ്രതികളെ പറ്റി വ്യക്തമായ വിവരം ലഭിച്ചിട്ടും പോലിസ് അറസ്റ്റ് ചെയ്യാന് മടിക്കുന്നു.
ഓച്ചിറയില് ആക്രമിക്കപ്പെട്ടത് ദളിത് കുടുംബത്തിലെ ആളായിട്ടും അവര്ക്കെതിരെ നിസാര വകുപ്പുകള് ചുമത്തി പ്രതികളെ രക്ഷിക്കാനാണ് സിഐ ശ്രമിക്കുന്നത്.
കഴിഞ്ഞ ദിവസം ബിഎംഎസ് മേഖലാ വൈസ് പ്രസിഡ ന്റിന്റ വീട് സിഐടിയു പ്രവര്ത്തകര് അക്രമിച്ചു. ആക്രമണങ്ങള് പെരുകുമ്പോഴും പ്രതികളെ സംരക്ഷിക്കുന്ന നിലപാടാണ് സിഐയുടെ ഭാഗത്തുനിന്നും ഉണ്ടാകുന്നതെന്ന് ഭാരവാഹികള് പറഞ്ഞു. ഇക്കാര്യം അന്വേഷിക്കാനാണ് സ്റ്റേഷനില് എത്തിയത്. ഇവരുടെ ഒപ്പം പരാതി പറയാന് വന്ന ദളിത് കുടുംബത്തേയും സിഐ അസഭ്യം പറഞ്ഞ് ആക്രമിക്കാന് ശ്രമിച്ചു. ഇതിനെതിരെ സംഘപരിവാര് പ്രവര്ത്തകള് കരുനാഗപ്പള്ളിയില് പ്രതിഷേധ പ്രകടനം നടത്തി. നൂറു കണക്കിനുി പ്രവര്ത്തകരാണ് പ്രതിഷേധ പ്രകടനത്തില് പങ്കെടുത്തത്.
