പത്തനംതിട്ട: ആറന്മുള ശ്രീ പാര്ത്ഥസാരഥി ക്ഷേത്രത്തിലെ വള്ളസദ്യയ്ക്ക് ഭക്്തി നിര്ഭരമായ തുടക്കം. ദേവസ്വം മന്ത്രി കെ. മുരളീധരന് വിളക്ക് കൊളുത്തി ഔപചാരിക ഉദ്ഘാടനം നിര്വഹിച്ചു. ചടങ്ങുകളില് നൂറുകണക്കിന് ഭക്തര് പങ്കെടുത്തു. പരമ്പരാഗത വസ്ത്രങ്ങളണിഞ്ഞെത്തിയ പത്ത് പള്ളിയോടങ്ങളിലെ തുഴക്കാരെ ആചാരപരമായി വരവേറ്റു. ശ്രീകൃഷ്ണ സ്തുതിക്കുന്ന വഞ്ചിപ്പാട്ട് പാടി സംഘം ശ്രീകോവിലിനു പ്രദക്ഷിണം വച്ചു.
ഭക്തര്ക്ക് aranmulaboatrace.com എന്ന വെബ്സൈറ്റ് വഴി വള്ള സദ്യയ്ക്കുള്ള പാസ് ബുക്ക് ചെയ്യാം. ഒരാള്ക്ക് 300 രൂപയാണ് നിരക്ക് . പമ്പയുടെ ഇരുകരകളിലുമുള്ള ഗ്രാമങ്ങളെ പ്രതിനിധീകരിച്ച് 51 പള്ളിയോടങ്ങള് വള്ളസദയില് പങ്കെടുക്കും. ആറന്മുള ഉത്രട്ടാതി വള്ളംകളി ആഗസ്റ്റ് 30 നും അഷ്ടമിരോഹിണി വള്ളസദ്യ സെപ്റ്റംബര് 4 നുമാണ്.
