ടെഹ്റാന്:ജോര്ദാനിലെ അമേരിക്കന് സൈനിക താവളത്തിന് നേരെ ഇറാന്റെ ആക്രമണത്തെ തുടര്ന്ന് ശക്തമായി തിരിച്ചടിച്ച് അമേരിക്ക. ഇറാനിലെ നിര്മാണത്തിലുളള ഡാര്കോവിന് ആണവ നിലയത്തിലടക്കം ആക്രമണം നടത്തിയെന്ന് അമേരിക്കന് അധികൃതര് പറഞ്ഞു.ഇറാനില് കഴിഞ്ഞ രാത്രി മുതല് നടത്തിയ വ്യാപക മിസൈല് ആക്രമണത്തില് തീര നിരീക്ഷണ സംവിധാനങ്ങള്, റഡാറുകള്, നാവിക സംവിധാനങ്ങള്, മിസൈല് – ഡ്രോണ് കേന്ദ്രങ്ങള് എന്നിവ തകര്ത്തതിന്റെ ദൃശ്യങ്ങളും അമേരിക്ക പുറത്തുവിട്ടു.ഇറാന് ജോര്ദാനില് നടത്തിയ ആക്രമണത്തില് രണ്ട് അമേരിക്കന് സൈനികര് കൊല്ലപ്പെടുകയും ഒരാളെ കാണാതാവുകയും ചെയ്തതിനെ തുടര്ന്നാണ് അമേരിക്ക വ്യാപക ബോംബാക്രമണം നടത്തിയത്
ആണവ നിലയത്തിന് നേരെയുണ്ടായ ആക്രമണത്തിന്റെ പശ്ചാത്തലത്തില്, വിഷയത്തില് അന്താരാഷ്ട്ര ആണവോര്ജ ഏജന്സി മൗനം വെടിയണമെന്ന് ഇറാന് ആവശ്യപ്പെട്ടു. യു എസ് ആക്രമണത്തിന് പിന്നാലെ ഹോര്മുസ് കടലിടുക്കില് നാല് കപ്പലുകളെ ഇറാന് തടഞ്ഞെന്നും രണ്ട് കപ്പലുകള്ക്ക് നേരെ ആക്രമണം നടത്തുകയും ചെയ്തതായാണ് വിവരം.
