മലപ്പുറം: നിലമ്പൂര് ടൗണില് നിര്ത്തിയിട്ടിരുന്ന സ്കൂട്ടറിന് തീപ്പിടിച്ചു. സ്കൂട്ടര് പൂര്ണമായും കത്തി. നിലമ്പൂര് സി.എന്.ജി റോഡിലെ അല് ഐന് കണ്ണാശുപത്രിക്ക് സമീപം പാര്ക്ക് ചെയ്ത സ്കൂട്ടറിന് നാണ് തീപ്പിടിച്ചത്.
സമീപത്തുണ്ടായിരുന്ന മറ്റൊരു ഇരുചക്രവാഹനം ഉടന് തന്നെ അവിടെയുണ്ടായിരുന്നവര് പിറകിലേക്ക് വലിച്ചുമാറ്റിയതിനാല് അതിന് കേടുപാടുകള് സംഭവിച്ചില്ല. ജനത്തിരക്കുള്ള ആശുപത്രി പരിസരത്ത് തീ പടര്ന്നത് വലിയ പരിഭ്രാന്തി ഉണ്ടാക്കി.സ്ഥലത്തെത്തിയ നിലമ്പൂര് അഗ്നിരക്ഷാസേന തീ പൂര്ണമായും കെടുത്തിയത് കൊണ്ടാണ് തൊട്ടടുത്തുള്ള ആശുപത്രി കെട്ടിടത്തിലേക്കും മറ്റ് വാഹനങ്ങളിലേക്കും തീ പടരാതിരുന്നത്.
സ്കൂട്ടറിന് തീപ്പിടിക്കാനുണ്ടായ കാരണം വ്യക്തമല്ല.
