കോട്ടയം: റബര് ബോര്ഡ് ചെയര്മാന് എന് ഹരിയെ ജന്മനാടായ ആനിക്കാട് വച്ച് നടത്തിയ യോഗത്തില് അനുമോദിച്ചു. ജലവിഭവ വകുപ്പ് മന്ത്രി അഡ്വ. മോന്സ് ജോസഫ് ഉദ്ഘാടനം ചെയ്തു. റബര് കൃഷിയാല് ഒരു കാലത്ത് സമ്പന്നമായിരുന്ന കേരളത്തില് നിന്നും ഒരു ചെയര്മാനെ ലഭിച്ചത് റബര് കാര്ഷിക മേഖലക്ക് ഒരു പുത്തന് ഉണര്വാകുമെന്ന് മന്ത്രി പറഞ്ഞു. കേന്ദ്ര സംസ്ഥാന സര്ക്കാരുകള്ക്കിടയില് റബര്മേഖലയുമായി ബന്ധപ്പെട്ട കാര്യങ്ങളില് ആശയവിനിമയങ്ങള് നടത്തുന്നതിനുള്ള മാര്ഗമായി എന് ഹരിയുടെ നിയമനത്തെ കാണുന്നതായും അദ്ദേഹം പറഞ്ഞു. നിരവധി വര്ഷങ്ങളായി ജനസേവന പ്രവര്ത്തനങ്ങളില് സജീവമായ എന് ഹരിയെത്തേടി ഉയര്ന്ന ഉത്തരവാദിത്വങ്ങള് ഇനിയും എത്തിച്ചേരുമെന്നും അദ്ദേഹം കൂട്ടിച്ചേര്ത്തു.
കാഞ്ഞിരപ്പള്ളി എം എല് എ പ്രൊഫസര് റോണി കെ ബേബി അദ്ധ്യക്ഷതഹിച്ച യോഗത്തില് പള്ളിക്കത്തോട് ഗ്രാമ പഞ്ചായത്ത് പ്രസിഡന്റ് പ്രസന്നന് വെള്ളാപ്പള്ളി സ്വാഗതം ആശംസിച്ചു. പള്ളിക്കത്തോട് ടൗണില് പൗരാവലിയുടെ നേതൃത്വത്തിന് പഞ്ചവാദ്യത്തിന്റെ അകമ്പടിയോടുകൂടി റബര് ബോര്ഡ് ചെയര്മാനെ സ്വീകരിച്ചു. പള്ളിക്കത്തോട് പഞ്ചായത്ത് കമ്മ്യൂണിറ്റി ഹാളില് ആയിരുന്നു യോഗം.
