നെയ്യാറ്റിന്കര: നെയ്യാര് വരമൊഴിയുടെ അമ്മമലയാളമുറ്റം ശ്രദ്ധേയമായി. കലാകാരന്മാരുടെ കൂട്ടായ്മയായ നെയ്യാര് വരമൊഴിയുടെ നേതൃത്വത്തില് നെയ്യാറ്റിന്കര ഗവ. ജിഎച്ച്എസ്എസിലാണ് പരിപാടി സംഘടിപ്പിച്ചത്. മാതൃഭാഷയെ സ്നേഹിക്കുക, സംരക്ഷിക്കുക എന്ന പ്രതിജ്ഞയോടെ ജനപ്രതിനിധികളും അധ്യാപകരും വിദ്യാര്ഥികളും അക്ഷരദീപം തെളിച്ചു. മലയാളത്തിന്റെ മഹത്ത്വം രേഖപ്പെടുത്തി കയ്യൊപ്പ് ചാര്ത്തി.
കെ. ആന്സലന് എംഎല്എ ആദ്യ കയ്യൊപ്പ് ചാര്ത്തിയും ആദ്യദീപം തെളിച്ചും ഉദ്ഘാടനം നിര്വഹിച്ചു. മാതൃഭാഷയായ മലയാളത്തെ സ്നേഹിക്കുന്നത് പെറ്റമ്മയെ ആദരിക്കുന്നതിനും സ്നേഹിക്കുന്നതിനും തുല്യമാണെന്ന് അദ്ദേഹം ഓര്മിപ്പിച്ചു. നഗരസഭ ചെയര്പേഴ്സണ് ഡബ്ല്യു.ആര്. ഹീബ അധ്യക്ഷയായി. വൈസ്ചെയര്മാന് കെ.കെ. ഷിബു, നഗരസഭ സ്റ്റാന്ഡിംഗ്കമ്മിറ്റി ചെയര്മാനും പിടിഎ പ്രസിഡന്റുമായ കെ.പി. ശ്രീകണ്ഠന്നായര്, സ്റ്റാന്ഡിംഗ് കമ്മിറ്റി ചെയര്മാന് പുന്നയ്ക്കാട് സജു, ചെയര്പേഴ്സണ് ജി. സുകുമാരി, കൗണ്സിലര് കലാ മങ്കേഷ്കര്, ബിജെപി പാര്ലമെന്ററി പാര്ട്ടി ലീഡര് ഷിബുരാജ് കൃഷ്ണ, കൗണ്സിലര് ആര്. അജിത, പിടിഎ വൈസ്പ്രസിഡന്റ് അനില്കുമാര്, പ്രിന്സിപ്പാള് വിക്ടോറിയ, ഹെഡ്മിസ്ട്രസ് ശശികല, കവി ഉദയന് കൊക്കോട്, നെയ്യാര് വരമൊഴി പ്രസിഡന്റ് ഹരി ചാരുത, സെക്രട്ടറി അജയന് അരുവിപ്പുറം, ആര്ട്ടിസ്റ്റ് മണികണ്ഠന്നായര്, വറവൂര് കൃഷ്ണന്നായര്, കെ.എസ്. വിജയന്, ശ്യാം വെണ്പകല്, ഷാജി റസല്പുരം എന്നിവര് സംബന്ധിച്ചു. മാധ്യമപ്രവര്ത്തകന് ഗിരീഷ് പരുത്തിമഠം വിഷയം അവതരിപ്പിച്ചു. കവയത്രി ശ്രീദേവിവര്മ കാവ്യാഞ്ജലി ഉദ്ഘാടനം ചെയ്തു. വിദ്യാര്ഥിനികളായ എം.ജെ. കാവ്യ, ഹേമാംബിക, ആരതി ശ്രീനിവാസ്, എം.എസ്. അരുണിമ, ആര്. ഭവ്യ, ആര്ദ്ര എന്നിവര് സ്വന്തം രചനകള് അവതരിപ്പിച്ചു.
