ഇടുക്കി: സര്ക്കാര് സേവനങ്ങള് ജനങ്ങളിലേക്ക് കൂടുതല് കാര്യക്ഷമമായി എത്തിക്കാന് ഭരണഭാഷയുടെ ഉപയോഗം വ്യാപിപ്പിക്കുമെന്ന് ജില്ലാ കളക്ടര് ജി.ആര് ഗോകുല് പറഞ്ഞു.
ജില്ലാ ഭരണകൂടത്തിന്റെയും ഇന്ഫര്മേഷന് പബ്ലിക് റിലേഷന്സ് വകുപ്പിന്റെയും ആഭിമുഖ്യത്തില് സംഘടിപ്പിച്ച മലയാള ദിനാഘോഷത്തിന്റെയും ഭരണഭാഷാ വാരാഘോഷത്തിന്റെ ജില്ലാതല പരിപാടികളുടെയും ഉദ്ഘാടനം കളക്ടറേറ്റില് നിര്വഹിച്ച് സംസാരിക്കുകയായിരുന്നു അദ്ദേഹം. സര്ക്കാര് ഉത്തരവുകള് സാധരണക്കാര്ക്കുകൂടി മനസിലാക്കാന് പാകത്തില് ലളിതമാക്കുന്നതിനുള്ള നടപടികള് പ്രോത്സാഹിപ്പിക്കുമെന്നും അദ്ദേഹം പറഞ്ഞു. ഇടുക്കി ആര്ഡിഒ ജെ.മോബി അധ്യക്ഷനായിരുന്നു.
പുരസ്കാര ജേതാക്കളായ പ്രമുഖമാധ്യമ പ്രവര്ത്തകനും കവിയും ഗ്രന്ഥകാരനുമായ കെ.ടി രാജീവ്, നോവലിസ്റ്റും ചെറുകഥാകൃത്തുമായ കെ.ജയചന്ദ്രന് എന്നിവരെ ചടങ്ങില് ജില്ലാ കളക്ടര് പൊന്നാടയണിയിച്ച് ആദരിച്ചു. ജേതാക്കളെ ജില്ലാ ഇന്ഫര്മേഷന് ഓഫീസ് അസിസ്റ്റന്റ് എഡിറ്റര് കെ.കെ ജയകുമാര് ചടങ്ങിന് പരിചയപ്പെടുത്തി. ജില്ലാ ഇന്ഫര്മേഷന് ഓഫീസര് എന്.പി സന്തോഷ്, ഡെപ്യൂട്ടി കളക്ടര്മാരായ എ
ം.എസ് സലിം, എബ്രഹാം ഫിക്സ് ജറാള്ഡ് മൈക്കിള്, എന്നിവര് സംസാരിച്ചു.
