കളമശ്ശേരി: മുപ്പത്തടം പോസ്റ്റോഫീസ് റോഡില് വലിയ ചരക്കു വാഹനങ്ങള് മൂലം ഗതാഗത തടസവും അപകടങ്ങളും പതിവാകുന്നു. ഈ റോഡില് ആറോളം ഗോഡൗണുകള് പ്രവര്ത്തിക്കുന്നതാണ് ഗതാഗതക്കുരുക്കിന് കാരണമാകുന്നത്. ഗോഡൗണുകളിലേക്ക് ചരക്കുമായി വരുന്ന വാഹനങ്ങള് റോഡില് പാര്ക്ക് ചെയ്യുന്നത് മൂലം എതിര് ദിശയില് വരുന്ന വാഹനങ്ങള്ക്കു കടന്നു പോകുന്നതിന് ബുദ്ധിമുട്ടാണ്.
വലിയ ചരക്കു വാഹനങ്ങള് കടന്നു പോകുമ്പോള് പൊട്ടിവീഴുന്ന വൈദുതി കമ്പികളും കേബിളുകളും കാരണം ഇരുചക്ര വാഹനക്കാരും അപകടങ്ങളില് പെടാറുണ്ട്. ധാരാളം സ്കൂള് ഉള്ള ഈ മേഖലയില് പ്രവര്ത്തിക്കുന്ന പല ഗോഡൗണുകള്ക്കും അഗ്നിശമന ഉപകരണങ്ങള് പോലും ഇല്ലെന്നാണ് ആരോപണം.
