കോട്ടയം: ഏറ്റുമാനൂര് മഹാദേവ ക്ഷേത്രത്തിലെ ഏഴരപ്പൊന്നാനയിലെ എല്ലാ ആനകളും ഉരുക്കി പണിയണമെന്ന് കോടതിയില് അഡ്വ. കമ്മീഷണറുടെ റിപ്പോര്ട്ട്. ഹൈക്കോടതിയില് നിലനില്ക്കുന്ന കേസ്സിന്റെ ഭാഗമായി കോടതി നിയോഗിച്ച അഡ്വ. കമ്മീഷണര് എഎസ്പി കുറുപ്പാണ് റിപ്പോര്ട്ട് സമര്പ്പിച്ചത്. ഒക്ടോബര് 2ന് നടത്തിയ പരിശോധന റിപ്പോര്ട്ടാണ് ഇപ്പോള് സമര്പ്പിച്ചിട്ടുള്ളത്. റിപ്പോര്ട്ടിനെതിരെ പ്രതിഷേധം ആരംഭിച്ചിട്ടുണ്ട്. ഭക്തജന പ്രതിനിധികള് അടക്കമുള്ള വിദഗ്ദ്ധ സമിതി ഒക്ടോബര് 2ന് നടത്തിയ പരിശോധനയില് മൂന്ന് ആനകള്ക്ക് മാത്രമാണ് കേടുപാടുകള് കണ്ടെത്തിയിരുന്നത്.
ദേവസ്വം കമ്മീഷണര്, ദേവസ്വം വിജിലന്സ് എസ്പി, ദേവസ്വം ഓംബുഡ്സ്മാന്, ചീഫ് എന്ജീനീയര്, തിരുവാഭരണ കമ്മീഷണര്, സാങ്കേതിക വിദഗ്ദ്ധന് പരുമല അനന്തനാചാരി, അഡ്വ. കമ്മീഷണര് എഎസ്പി കുറുപ്പ് എന്നിവരടങ്ങുന്ന ഏഴംഗ സമിതിയാണ് പൊന്നാന പരിശോധനയ്ക്ക് നിയോഗിക്കപ്പെട്ടത്. രഹസ്യമായി ഏഴരപ്പൊന്നാന പരിശോധിക്കാന് അധികൃതര് നടത്തിയ നീക്കത്തെ ഭക്തജനങ്ങള് ഒറ്റക്കെട്ടായി എതിര്ത്തിരുന്നു. ഭക്തജന പ്രതിഷേധം കണ്ട തന്ത്രി ഭക്തജനങ്ങളുടെ പ്രതിനിധികളെകൂടി ഉള്പ്പെടുത്തുന്നതിന് സമ്മതമറിയിച്ചു.
തന്ത്രിയും ഓംബുഡ്സ്മാനുമായി നടന്ന സമവായ ചര്ച്ചയില് ഭക്തരുടെ ഭാഗത്തുനിന്ന് നഗരസഭ കൗണ്സിലര്മാരായ ഉഷ സുരേഷ്, അനീഷ് വി നാഥ്, ഗണേഷ് ഏറ്റുമാനൂര്, കെ.പി. സന്തോഷ്, അഡ്വ. എം.പി സന്തോഷ് കുമാര്, പി.പി. വിജയകുമാര്, സുരേഷ് ഗോവിന്ദ്, വിനീത് രാഘവ് എന്നിവരുടെ സാന്നിദ്ധ്യത്തിലായിരുന്നു പരിശോധന നടത്തിയത്. ഈ സമിതിയാണ് മൂന്ന് ആനകള്ക്ക് മാത്രമേ കേടുപാടുകള് ഉള്ളതെന്ന് കണ്ടെത്തിയത്.
