കണ്ണൂര്: ഇതര സംസ്ഥാന തൊഴിലാളിയെ ബന്ധു കഴുത്തറുത്ത് കൊന്നു.ശ്രീകണ്ഠപുരം പൂപ്പറമ്പില് ആണ് കൊലപാതകം.ഒഡിഷ സ്വദേശി ഫിലിപ് (33) ആണ് കൊല്ലപ്പെട്ടത്.
ഫിലിപ്പിന്റെ സഹോദരിയുടെ ഭര്ത്താവ് രമേശനെ കുടിയാന്മല പൊലീസ് പിടികൂടി.കഴിഞ്ഞ ദിവസം രാത്രി പത്ത് മണിയോടെ മറ്റു തൊഴിലാളികളാണ് ഫിലിപ്പിനെ കുളിമുറിയില് കഴുത്തറുത്ത് കൊല്ലപ്പെട്ട നിലയില് കണ്ടെത്തിയത്.ഫിലിപ്പും രമേശനും തമ്മില് പ്രശ്നമുണ്ടായിരുന്നു എന്നാണ് തൊഴിലാളികള് പറയുന്നത്.രമേശനും ഫിലിപ്പും ഒരുമിച്ചായിരുന്നു താമസം.
ചൊവ്വാഴ്ച രാത്രി മദ്യലഹരിയില് ഇരുവരും തമ്മില് തര്ക്കമുണ്ടായിരുന്നു.കൊലപാതകത്തിന് ഉപയോഗിച്ച കത്തിയും കണ്ടെടുത്തു. വീട്ടുകാരെക്കുറിച്ച് മോശമായി സംസാരിച്ചതാണ് കൊലപാതകത്തിന് കാരണമെന്നാണ് രമേശന് പൊലീസിനെ അറിയിച്ചത്.
