തിരുവനന്തപുരം: പി കൃഷ്ണപിള്ള സ്മാരകത്തിനായി ഭൂമി വിട്ട് നല്‍കിയ നടപടി സര്‍ക്കാര്‍ റദ്ദാക്കി. അഞ്ചേക്കര്‍ ഭൂമിയാണ് 2023ല്‍ സാംസ്‌കാരിക വകുപ്പിന് വിട്ടു നല്‍കിയത്.ആലപ്പുഴ നൂറനാട് ലെപ്രസി സാനിറ്റോറിയത്തിലാണ് ഭൂമി നല്‍കിയത്. നൂറനാട് ലെപ്രസി സാനിറ്റോറിയത്തിലെ അഞ്ചേക്കര്‍ ഭൂമി ഏറ്റെടുത്ത് ഇതില്‍ 1.73 ഏക്കര്‍ ഇന്തോ-ടിബറ്റന്‍ ബോര്‍ഡര്‍ പൊലീസിന് കേന്ദ്രീയ വിദ്യാലയം സ്ഥാപിക്കാന്‍ നല്‍കാനാണ് തീരുമാനം.
നൂറനാടുള്ള ഐ.ടി.ബി.പി ക്യാമ്പിനോട് ചേര്‍ന്ന് 1.73 ഏക്കര്‍ സ്ഥലം അനുവദിക്കണമെന്നുള്ള ഐ.ടി.ബി.പി അധികൃതരുടെ 10 വര്‍ഷത്തെ ആവശ്യം അംഗീകരിച്ചാണ് നടപടി.99 വര്‍ഷത്തേയ്‌ക്ക് പാട്ട വ്യവസ്ഥയിലാണ് ആരോഗ്യവകുപ്പിന്റെ സ്ഥലം നല്‍കുന്നത്.
ഇതോടെ ഐ.ടി.ബി.പിയുടെ കേരളത്തിലെ ആദ്യ കേന്ദ്രീയ വിദ്യാലയമായി ഇത് മാറും.സ്ഥലം അളന്നു തിരിച്ച് തിട്ടപ്പെടുത്താന്‍ തഹസില്‍ദാരെ ചുമതലപ്പെടുത്തി.
കേന്ദ്രീയ വിദ്യാലയത്തില്‍ ആകെ അനുവദിക്കുന്ന സീറ്റില്‍ 50 ശതമാനം സമീപ പ്രദേശത്തെ വിദ്യാര്‍ത്ഥികള്‍ക്ക് നല്‍കണമെന്ന മന്ത്രി കെ.മുരളീധരന്റെ നിര്‍ദ്ദേശം ഐ.ടി.ബി.പി അധികൃതര്‍ അംഗീകരിച്ചു. ഈ വ്യവസ്ഥ കരാറില്‍ ഉള്‍പ്പെടുത്താന്‍ റവന്യൂ വകുപ്പ് ഉദ്യോഗസ്ഥരെ നിയോഗിച്ചു.
