കൊല്‍ക്കത്ത: ജൂലായ് 21 ന് ബിര്‍ള പ്ലാനറ്റോറിയത്തിന് സമീപമുള്ള കത്തീഡ്രല്‍ റോഡില്‍ രക്തസാക്ഷി ദിന റാലി നടത്താന്‍ മമത ബാനര്‍ജിയുടെ നേതൃത്വത്തിലുള്ള തൃണമൂല്‍ കോണ്‍ഗ്രസ് കാളിഘട്ട് വിഭാഗത്തിന് കര്‍ക്കശ ഉപാധികളോടെ അനുമതി. ടിഎംസി നേതാവ് ഡെറക് ഒബ്രിയാന്‍ സമര്‍പ്പിച്ച ഹര്‍ജിയിലാണ് ഹൈക്കോടതി ജസ്റ്റിസ് സൗഗത ഭട്ടാചാര്യ പോലീസിന് നിര്‍ദേശം നല്‍കിയത്.
പങ്കെടുക്കുന്നവരുടെ എണ്ണം പരമാവധി 3,000 ആയിരിക്കണം, ഉച്ചയ്‌ക്ക് 12 മണിക്ക് ആരംഭിക്കുന്ന റാലി വൈകുന്നേരം 3.30 ന് അവസാനിക്കണം, ജൂലായ് 18 ന് വൈകുന്നേരം 4 മണിക്കുള്ളില്‍ ജോയിന്റ് പോലീസ് കമ്മീഷണര്‍ക്ക് പങ്കെടുക്കുന്നവരുടെ വിവരങ്ങളും ഫോണ്‍ നമ്പറുകളും നല്‍കണം, കോടതി ഏര്‍പ്പെടുത്തിയ എല്ലാ വ്യവസ്ഥകളും പാലിക്കുന്നുണ്ടെന്ന് ഉറപ്പാക്കണം തുടങ്ങിയ നിബന്ധനകളോടെയാണ് അനുമതി നല്‍കിയിരിക്കുന്നത്.
