വര്ക്കല: പാപനാശം ബീച്ചിലെ റസ്റ്റോറന്റില് ഭക്ഷണം കഴിച്ചിരുന്ന സ്ത്രീകളെ ആക്രമിച്ച യുവാവിനെ വര്ക്കല പോലീസ് അറസ്റ്റുചെയ്തു. ഇടവ മാന്തറവിള വീട്ടില് ഷഫാന് (22) ആണ് പിടിയിലായത്.
ആഗസ്റ്റ് 15 ന് റെസ്റ്റോറന്റില് ഭക്ഷണം കഴിച്ചിരുന്ന ഇടവ സ്വദേശികളായ യുവതികളെ പ്രതിയുടെ നേതൃത്വത്തില് എത്തിയ അഞ്ചംഗസംഘം ശല്യപ്പെടുത്തുകയും അസഭ്യങ്ങള് പറയുകയും ചെയ്തിരുന്നു.
സ്ത്രീകളുടെ പരാതിയെ തുടര്ന്ന് നാലുപ്രതികളെ നേരത്തെ പോലീസ് അറസ്റ്റ് ചെയ്തിരുന്നു. സംഭവശേഷം വിദേശത്തേക്ക് കടന്ന ഷഫാന് ലീവിന് നാട്ടില് വന്ന് ഒളിവില് കഴിയുമ്പോഴാണ് പോലീസ് പിടികൂടിയത്.
