ിരുവനന്തപുരം: കരമന-കളിയിക്കാവിള റോഡ് ആറുവരരിയായി വികസിപ്പിക്കുമ്പോഴും ബാലരാമപുരം പോലീസ് സ്റ്റേഷന് ഇപ്പോള് സ്ഥിതി ചെയ്യുന്ന സ്ഥലത്തുതന്നെ പുനഃസ്ഥാപിക്കണമെന്ന് ബാലരാമപുരം ബഹുജന സമിതി. റോഡ് വികസനത്തിനായി സ്ഥലമെടുക്കുമ്പോള് കെട്ടിടത്തിന്റെ പകുതിഭാഗം നഷ്ടപ്പെടും. അതിനാല് പോലീസ് സ്റ്റേഷന് ആവശ്യമുള്ള സ്ഥലം തൊട്ടടുത്തുള്ള ബാലരാമപുരം ഗവ. ഹയര്സെക്കന്ററി സ്കൂളില് നിന്ന് നല്കണമെന്നും ബാലരാമപുരം ബഹുജനസമിതി ആവശ്യപ്പെട്ടു. സ്കൂളിന് നഷ്ടപ്പെടുന്ന സ്ഥലം പഞ്ചായത്തിന്റെ കൈവശമുള്ള സ്കൂളിന്റെ തൊട്ടടുത്ത് സ്ഥിതിചെയ്യുന്ന കച്ചേരിക്കുളം വിട്ടുനല്കി പോലീസ് സ്റ്റേഷന് ബാലരാമപുരം ടൗണില്തന്നെ തുടരാന് സര്ക്കാര് നടപടി സ്വീകരിക്കണം. സമിതി പ്രസിഡന്റ് എം. നിസ്താറിന്റെ അധ്യക്ഷതയില് ചേര്ന്ന യോഗം മുന് എംഎല്എ അഡ്വ എസ്.ആര്. തങ്കരാജ് ഉദ്ഘാടനം ചെയ്തു. സമിതി ചെയര്മാന് അഡ്വ എ.എന്. പ്രേംലാല്, കണ്വീനര്മാരായ എന്.എസ്. ആമിന, വി. വിജയരാജ് എന്നിവര് സംസാരിച്ചു.
പോലീസ് സ്റ്റേഷന് ടൗണില് തുടരണം: ബാലരാമപുരം ബഹുജന സമിതി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.