മണ്ണാര്ക്കാട്:സപ്ലൈക്കോയുടെ മണ്ണാര്ക്കാട് നെല്ലിപ്പുഴക്ക് സമീപം പ്രവര്ത്തിക്കുന്ന ലാഭം മാര്ക്കറ്റില് പലചരക്ക് സാധനങ്ങള് മോഷണം നടത്തിയ സ്ത്രീയെ പിടികൂടി.പൊന്പാറ സ്വദേശിനിയായ ആയിഷ(50)യാണ് പിടിയിലായത്.
രണ്ടു ലിറ്ററിന്റെ വെളിച്ചെണ്ണ പായ്ക്കറ്റ്,മാസാല പായ്ക്കറ്റ്,സോപ്പുകള്,റവ,മുളക്പൊടി,മഞ്ഞള്പ്പൊടി,എള്ള് എന്നിങ്ങനെയുള്ള ആയിരത്തി ഇരുന്നൂറ് രൂപയോളം വിലവരുന്ന സാധനങ്ങളാണ് സഞ്ചിയിലാക്കി കൊണ്ടുപോകാന് ശ്രമിച്ചത്. മാര്ക്കറ്റിന് സമീപമുള്ള മറ്റൊരു കടയില് സാധനങ്ങള് കൊണ്ടുവെച്ചതിന് ശേഷം തിരിച്ചെത്തി മറ്റൊരു കാര്ഡില് ചെറിയ തുകക്കുള്ള സാധനങ്ങള് വാങ്ങുകയായിരുന്നു ഇവര്.
സംശയം തോന്നിയ വേറൊരു സ്ത്രീ നല്കിയ വിരവരത്തിന്റെ അടിസ്ഥാനത്തില് സപ്ലൈക്കോ അധികൃതര് നടത്തിയ അന്വേഷണത്തില് സാധനങ്ങള് കണ്ടെടുത്തു.പൊന്പാറ സ്വദേശിനിയായ ആയിഷ(50)യാണ് പിടിയിലായത്.
ദീപാവലി പ്രമാണിച്ച് തിരക്ക് വര്ദ്ധിച്ചിരുന്ന സമയത്താണ് ഇവര് മോഷണ ശ്രമം നടത്തിയത്.മൂന്ന് ദിവസം മുമ്പ് ഇതേ സ്ഥാപനത്തില് നിന്ന് അഞ്ച് പായ്ക്കറ്റ് വെളിച്ചെണ്ണയും കളവുപോയതായി ഷോപ്പ് മാനേജര് പോലീസിനോട് പറഞ്ഞു.മണ്ണാര്ക്കാട് പോലീസെത്തി മേല് നടപടികള് സ്വീകരിച്ചു.
