തിരുവനന്തപുരം: കലാലയങ്ങളിലെ വിദ്യാര്ഥി രാഷ്ട്രീയമാണ് ഉന്നതവിദ്യഭ്യാസത്തെ ഗുണകരമായ ശൈലിയിലേക്ക് എക്കാലവും നയിച്ചിട്ടുള്ള ഘടകമെന്ന് വി.എം. സുധീരന്. ഇപ്പോഴുണ്ടായിരിക്കുന്ന കോടതിവിധി തെറ്റായ പ്രവൃത്തി സ്വീകരിക്കുന്ന മാനേജ്മെന്റുകള്ക്ക് അനുകൂലമായിട്ട് മാറും. വിധി വിദ്യാലയങ്ങളിലും വിദ്യാര്ഥി രംഗത്തും നടക്കാന് പാടില്ലാത്ത ദുഷ്പ്രവണതകള്ക്ക് ആക്കം കൂട്ടുമെന്നും ഇതിനെതിരെ സര്ക്കാര് ശക്തമായ നിയമനടപടി സ്വീകരിക്കണമെന്നും അദ്ദേഹം ആവശ്യപ്പെട്ടു.
പ്രമുഖ ട്രേഡ് യൂണിയന് നേതാവും മുന്മന്ത്രിയും പിസിസി പ്രസിഡന്റുമായിരുന്ന എസ്. വരദരാജന് നായരുടെ 28-ാമത് ചരമവാര്ഷികത്തോടനുബന്ധിച്ച് ചേര്ന്ന അനുസ്മരണം കേസരി ഹാളില് ഉദ്ഘാടനം ചെയ്യുകയായിരുന്നു അദ്ദേഹം. തെന്നല ബാലകൃഷ്ണപിള്ള അദ്ധ്യക്ഷനായിരുന്നു. ബിജെപി വക്താവ് എം.എസ്. കുമാര്, എ. നീലലോഹിതദാസ്, കാട്ടാക്കട ശശി, അഡ്വ ജി. സുബോധന്, അഡ്വ വി. പ്രതാപചന്ദ്രന്, ചാല നാസര്, എന്.കെ. വിജയകുമാര്, എ.കെ. നിസാര്, കെ. ഗോപാലകൃഷ്ണന് എന്നിവര് സംസാരിച്ചു.
