കല്ലമ്പലം: സിപിഎമ്മിന്റെ കോട്ടകൊത്തളമായ കണ്ണൂരിലെ പയ്യന്നൂരില് നിന്ന് കുമ്മനം രാജശേഖരന് നയിക്കുന്ന ജനരക്ഷായാത്ര ആരംഭിച്ചപ്പോള് തന്നെ കേരളത്തിലെ സിപിഎമ്മിന്റെ അടിത്തറയിളകിത്തുടങ്ങിയെന്ന് ബിജെപി സംസ്ഥാനസമിതി അംഗം ആലംകോട് ദാനശീലന്. വര്ക്കല മണ്ഡലത്തിലെ നാവായിക്കുളം പഞ്ചായത്തില് കോണ്ഗ്രസ്സും സിപിഎമ്മും വിട്ട് ബിജെപിയില് ചേര്ന്ന 20 കുടുംബങ്ങളെ സ്വീകരിക്കാന് മാവിന്മൂട് ചിറ്റായിക്കോട് ചേര്ന്ന യോഗത്തില് സംസാരിക്കുകയായിരുന്നു അദ്ദേഹം.
കണ്ണൂരില് ജനരക്ഷായാത്ര കടന്നുവന്ന സ്ഥലങ്ങളിലെല്ലാം സിപിഎം അപ്രഖ്യാപിത ഹര്ത്താല് പ്രഖ്യാപിച്ചിട്ടും ജാഥ കടന്ന് പോയ റോഡിന്റെ ഇരുവശങ്ങളിലും തടിച്ചുകൂടിയ പതിനായിരങ്ങള് ജനരക്ഷായാത്രയെ നെഞ്ചിലേറ്റുകയായിരുന്നു. ഈ യാത്രകണ്ണൂരിലെ ജനങ്ങള്ക്ക് പുതിയ അനുഭവവും ആശയവും നല്കി. യാത്ര തിരുവനന്തപുരത്ത് സമാപിക്കുമ്പോള് സിപിഎമ്മിന്റെ അടിത്തറ ഇളകിയൊലിക്കും. കേരളം പുതിയൊരു രാഷ്ട്രീയ മാറ്റത്തിന് തുടക്കം കുറിക്കുമെന്നും ദാനശീലന് പറഞ്ഞു.
മനു മാവിന്മൂട് അദ്ധ്യക്ഷത വഹിച്ചു. വര്ക്കല മണ്ഡലം വൈസ് പ്രസിഡന്റ് പൈവേലിക്കോണം ബിജു, ബിജെപി നേതാക്കളായ നാവായിക്കുളം അശോകന്, രാജീവ്, ദീപു, മണികണ്ഠന് എന്നിവര് സംസാരിച്ചു.
