വാഷിംങ്ടണ്: മോദി സർക്കാർ രാജ്യത്ത് നടപ്പിലാക്കിയ സാമ്പത്തിക പരിഷ്കാരങ്ങൾ ഗുണപ്രദമായിരുന്നെന്ന് കേന്ദ്ര ധനമന്ത്രി അരുൺ ജെയ്റ്റ്ലി. ബെർക്കെലെ ഇന്ത്യ സമ്മേളനത്തെ വീഡിയോ കോണ്ഫറന്സിങ്ങിലൂടെ അഭിസംബോധന ചെയ്ത് സംസാരിക്കുകയായിരുന്നു അദ്ദേഹം.
കേന്ദ്രം രാജ്യത്ത് നടപ്പാക്കിയ സ്വച്ഛ് ഭാരത്, ജിഎസ്ടി, നോട്ട് നിരോധനം തുടങ്ങിയവയ്ക്ക് ഉദ്ദേശിച്ച ഫലം ലഭിച്ചു. ഈ പരിഷ്കാരങ്ങൾക്കെല്ലാം ജനങ്ങളുടെ പൂർണ്ണ പിന്തുണ ലഭിച്ചു എന്നത് ഏറെ പ്രശംസനീയമാണ്. ഇനി അങ്ങോട്ടും ജനങ്ങള് ആഗ്രഹിക്കുന്ന പോലെ ഇന്ത്യ അതിന്റെ സാമ്പത്തിക വളര്ച്ച നിലനിര്ത്തും. അതിനു വേണ്ടി രാജ്യത്ത് വളരെ കാര്യക്ഷമമായി പ്രവര്ത്തിക്കുന്ന യുവതലമുറ ഉണ്ടെന്നുള്ളത് നമ്മള് മറന്നു പോവരുതെന്നും ജെയ്റ്റ്ലി പറഞ്ഞു.
സാമ്പത്തിക ഭദ്രതയുള്ള രാജ്യങ്ങളുടെ പട്ടികയിലേക്ക് കടക്കാൻ ഇന്ത്യയ്ക്ക് ഇനിയും ഏറെ കടമ്പകൾ നേരിടാനുണ്ട്. അതിനാൽ നമ്മൾ ഇനിയും കൂടുതൽ കാര്യക്ഷമമായി പ്രവർത്തിക്കേണ്ടി വരുമെന്നും ജെയ്റ്റ്ലി കൂട്ടിച്ചേർത്തു.
