മണക്കടവ്: മണക്കടവില് സ്ഥിതിചെയ്യുന്ന ആല്മരം മുറിച്ചുമാറ്റാനുള്ള നീക്കം തടയുമെന്ന് ഹിന്ദു ഐക്യവേദി മണക്കടവ് യൂണിറ്റ് യോഗം മുന്നറിയിപ്പുനല്കി. അരനൂറ്റാണ്ടിലധികമായി മണക്കടവ് ടൗണില് സമൃദ്ധമായി ശുദ്ധവായു നല്കി ഗ്രാമവിശുദ്ധി നിലനിര്ത്തിവരുന്ന ആല്മരം മുറിച്ചുമാറ്റാനുള്ള ശ്രമത്തില് നിന്നും ബന്ധപ്പെട്ടവര് പിന്തിരിയണമെന്നും യോഗം ആവശ്യപ്പെട്ടു. ടി.വി.ജനാര്ദ്ദനന് അധ്യക്ഷതവഹിച്ചു. ബിജു പേരടി, മധുസൂദനന് പാറേപ്പറമ്പില്, സോമന് നായര്, വിനോദ് കണ്ടത്തില്, വിജയകമാര് തുടങ്ങിയവര് സംസാരിച്ചു.
കെടാവിളക്ക് സമര്പ്പിച്ചു
മാഹി: പെരിങ്ങാടി കാഞ്ഞിരമുള്ളപറമ്പ് ഭഗവതി ക്ഷേത്രത്തില് വെസ്റ്റ് പള്ളൂര് കയനാടത്ത് വക കെടാവിളക്ക് സമര്പ്പിച്ചു. തന്ത്രി തെക്കിനിയേടത്ത് തരണനെല്ലൂര് പത്മനാഭന് ഉണ്ണിനമ്പൂതിരി ഭദ്രദീപം കൊളുത്തി ഉദ്ഘാടനം ചെയ്തു. ക്ഷേത്ര സമിതി പ്രസിഡണ്ട് ടി.പി.ബാലന്, പി.കെ.സതീഷ്കുമാര്, ഒ.വി.വിജയന് എന്നിവര്സംസാരിച്ചു.
