കൊച്ചി: മുതിര്ന്ന നടിയെ തട്ടിക്കൊണ്ടുപോകാന് ശ്രമിച്ച കേസിലെ പ്രതി പള്സര് സുനിയ്ക്ക് ജാമ്യം. എറണാകുളം സിജെഎം കോടതിയാണ് ജാമ്യം അനുവദിച്ചത്. ആറു വര്ഷം മുമ്പാണ് കേസിനാസ്പദമായ സംഭവം. പണം തട്ടിയെടുക്കുക എന്ന ലക്ഷ്യത്തോടെയാണ് പള്സര് സുനി നടിയെ തട്ടിക്കൊണ്ടുപോയത്. സുനി ഒറ്റയ്ക്കാണ് പദ്ധതി ആസൂത്രണം ചെയ്തത്.
റെയില്വേ സ്റ്റേഷനില് നിന്ന് ടെംബോ ട്രാവലറില് നടിയെ തട്ടിക്കൊണ്ടുപോയി നഗ്നദൃശ്യങ്ങള് ചിത്രീകരിച്ച് പണം തട്ടാനായിരുന്നു പള്സര് സുനി പദ്ധതി തയാറാക്കിയത്. എന്നാല് പ്രതീക്ഷിച്ച യുവനടി ട്രെയിനില് ആ ദിവസം എത്തിയില്ല. അതേസമയം ട്രെയിനില് വന്നിറങ്ങിയ പഴയകാല നടിയെ ഹോട്ടലിലേക്ക് എത്തിക്കുന്നതിനായി പുറപ്പെടുകയും വഴിതിരിച്ചുവിട്ടത് കണ്ട് നടി ഭര്ത്താവിനെ വിളിച്ചതോടെ പദ്ധതി പാളുകയുമായിരുന്നു.
പൊന്നുരുന്നിയിലെ വാടകവീട് കേന്ദ്രീകരിച്ചായിരുന്നു ഇതിന്റെ ഗൂഢാലോചന നടന്നതെന്നും പോലീസ് കണ്ടെത്തിയിടരുന്നു. പൊന്നുരുന്നിയിലെ ഡ്രൈവേഴ്സ് ക്ലബിലെ അംഗങ്ങളെയാണ് സുനി ഇതിനായി കൂട്ടുപിടിച്ചത്.
