കറുകച്ചാല്: പച്ചക്കറി കടകളില് സാധനങ്ങള് തൂക്കി നല്കുന്നതില് ക്രമക്കേടെന്ന് ആരോപണം. വില വിവര പട്ടിക പ്രദര്ശിപ്പിക്കാത്തിനാല് വില അറിയാനും ഉപഭോക്താക്കള്ക്ക് കഴിയുന്നില്ല. പച്ചക്കറികളുടെ വില കൂട്ടി പറയുന്നതല്ലാതെ ബില്ലു തരാനും കടയുടമകള് മടികാണിക്കുന്നതായി ആരോപണമുണ്ട്. കടയുടെ മുന്പില് ത്രാസ് ഉള്ളവരും സാധനം എടുത്ത് ഉള്വശത്ത് കൊണ്ടുപോയി തൂക്കി പാത്രത്തില് ഇടുകയാണ് പതിവെന്ന് ഉപഭോക്താക്കള് പറയുന്നു. ഇതോടെ തൂക്കത്തിലും വിലയിലും വെട്ടിപ്പും നടക്കും. തൂക്കിയ സാധനങ്ങളെല്ലാം പെട്ടെന്ന് എണ്ണി ഒരു വിലയിട്ട് തരികയാണ് ചെയ്യുന്നത്. വില സംബന്ധിച്ച് കണക്ക് കൂട്ടുന്നത് മനക്കണക്കാണ്. തുക കേള്ക്കുമ്പോള് കണ്ണുതള്ളും.
















