കണ്ണൂര്: ബാലഗോകുലത്തിന്റെ ആഭിമുഖ്യത്തില് ‘സുരക്ഷിത ബാല്യം സുകൃത ഭാരതം’ എന്ന സന്ദേശമുയര്ത്തി സെപ്റ്റംബര് 12ന് നടക്കുന്ന ശ്രീകൃഷ്ണജയന്തി ബാലദിനാഘോഷങ്ങള്ക്ക് ഒരുക്കങ്ങള് പൂര്ത്തിയായി. ആഘോഷങ്ങളുടെ ഭാഗമായി കണ്ണൂര് ജില്ലയിലെ 300 ഓളം സ്ഥലങ്ങളില് വര്ണാഭമായ ശോഭായാത്രകള് നടക്കും. ആയിരക്കണക്കിന് കൃഷ്ണവേഷങ്ങളും പൗരാണികവേഷങ്ങളും നിശ്ചലദൃശ്യങ്ങളും. വാദ്യമേളങ്ങളും ഗോപികാനൃത്തം, ഉറിയടി എന്നിവയും ശോഭായാത്രയില് അണിനിരക്കും. ആഘോഷങ്ങളുടെ മുന്നോടിയായി ജില്ലയിലെ 800 ഓളം സ്ഥലങ്ങളില് പതാകദിനം ആചരിച്ചു. പതാകദിനം മുതല് ശ്രീകൃഷ്ണജയന്തി വരെയുള്ള ദിനങ്ങളില് ഗോപുജ, ഭജനസന്ധ്യ, കലാവൈജ്ഞാനിക മത്സരങ്ങള് സാംസ്കാരിക സമ്മേളനങ്ങള്, രക്ഷാകര്തൃബോധനം എന്നിവ താലൂക്ക് കേന്ദ്രീകരിച്ചും ബാലഗോകുലയൂനിറ്റ് കേന്ദ്രികരിച്ചും നടന്നുവരുന്നു. ജില്ലയിലെ കണ്ണൂര്, തളിപ്പറമ്പ, തലശ്ശേരി, കൂത്തുപറമ്പ, പാനൂര്, മട്ടന്നൂര്, പുന്നാട്, തില്ലങ്കേരി, ഇരിട്ടി, കാക്കയങ്ങാട്, കൊട്ടിയൂര്, പയ്യാവൂര് തുടങ്ങിയ സ്ഥലങ്ങളില് മഹാശോഭായാത്രകള് സംഘടിപ്പിച്ചിട്ടുണ്ട്. ആധ്യാത്മിക സാസ്കാരിക നായകന്മാര് ശോഭായാത്രകള് ഉദ്ഘാടനം ചെയ്യും. ബാലഗോകുലം സംസ്ഥാനസെക്രട്ടറി എന്.വി.പ്രജിത്ത് മാസ്റ്റര്, എ.പി.സുരേഷ്ബാബു കണ്ണൂര് മേഖലാഅധ്യക്ഷന്, പി.രാജീവന്, പി.വി.ഭാര്ഗവന് എന്നിവര് വാര്ത്താസമ്മേളനത്തില് പങ്കെടുത്തു.
ശ്രീകൃഷ്ണജയന്തി: ശോഭായാത്രകള്ക്ക് ഒരുക്കങ്ങള് പൂര്ത്തിയായി 300 ഓളം സ്ഥലങ്ങളില് ശോഭായാത്രകള് നടക്കും
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.