കോട്ടയം: സാമൂഹ്യ പ്രതിബദ്ധത കൈമുതലാക്കി ജീവിതം നയിക്കണമെന്ന് ബിജെപി സംസ്ഥാന അദ്ധ്യക്ഷന് കുമ്മനം രാജശേഖരന് അഭിപ്രായപ്പെട്ടു.
ബിജെപി എന്ആര്ഐ. സെല്ലിന്റെ ആഭിമുഖ്യത്തില് കോട്ടയത്ത് സംഘടിപ്പിച്ച ‘അമ്മയ്ക്കൊരു ഓണക്കോടി’ പരിപാടി ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. നൂറുകണക്കിന് അമ്മമാര്ക്ക് ഓണപ്പുടവ അദ്ദേഹം സമ്മാനിച്ചു. അന്യര്ക്ക് വേണ്ടി ജീവിക്കുമ്പോഴേ ജീവിതം സഫലമാകൂ. കാരുണ്യ പ്രവര്ത്തനത്തില് പങ്കാളിയാവാന് സാധിക്കുന്നത് ജീവിത സാഫല്യമാണെന്ന് അദ്ദേഹം കൂട്ടിച്ചേര്ത്തു. കേരളത്തിലൂടനീളം ജീവ കാരുണ്യ പ്രവര്ത്തനത്തിന് മുന്തൂക്കം നല്കി പ്രവര്ത്തിക്കുന്ന എന്ആര്ഐ ഘടകത്തിന്റെ പ്രവര്ത്തനം അഭിനന്ദനാര്ഹമാണെന്ന് അദ്ദേഹം പറഞ്ഞു.
എന്ആര്ഐ സെല് സംസ്ഥാന കണ്വീനര് ഹരികുമാര് അദ്ധ്യക്ഷത വഹിച്ചു. സിനിമ സംവിധായകന് തുളസീദാസ്, ബി.ജെ.പി. ജില്ലാ പ്രസിഡന്റ് എന്.ഹരി തുടങ്ങിയവര് സംസാരിച്ചു. ചടങ്ങില് ആര്ട്ടിസ്റ്റ് ജയന് കളത്തുക്കടവ് വരച്ച സ്വാമി വിവേകാന്ദന്റെ ചിത്രം സിനിമ സംവിധായകന് തുളസീദാസ് ബിജെപി സംസ്ഥാന പ്രസിഡന്റ് കുമ്മനം രാജശേഖരന് സമര്പ്പിച്ചു.
