ലോസാഞ്ചലസ് : കാലിഫോർണിയയിലെ പ്രമുഖ മലയാളി സംഘടനയായ ഓർഗനൈസേഷൻ ഓഫ്ഹിന്ദു മലയാളീസി(ഓം)ന്റെ നേതൃത്വത്തില് ലോസാഞ്ചലസിലെ മലയാളികളുടെ ഓണാഘോഷം. സെപ്തംബർ ഒൻപതിനു ശനിയാഴ്ച്ച നോർവാക് പയനിയർ ബ്ലോവഡിലുള്ള സനാതന ധർമക്ഷേത്ര ഹാളില് കാലത്തു പതിനൊന്നര മുതൽ തുടങ്ങുന്ന ആഘോഷ പരിപാടികളിലെ മുഖ്യ അതിഥി ഡെപ്യൂട്ടി കോൺസുൽ ജനറൽ ശ്രീരോഹിത്രതീഷാണ്.
വിഭവസമൃദ്ധമായ ഓണസദ്യക്ക് ശേഷം നിരവധി സാംസ്കാരികപരിപാടികളും അവതരിപ്പിക്കപെടും. തിരുവാതിര, കൈകൊട്ടിക്കളി, ഓണപാട്ടുകൾ, നൃത്തനൃത്യങ്ങൾ, ഓണത്തിന്റെ ഐതിഹ്യത്തെക്കുറിച്ചും ഓണ സങ്കല്പങ്ങളെക്കുറിച്ചുമുള്ള സ്കിറ്റ്, വാദ്യമേളം തുടങ്ങി വൈവിധ്യമാർന്ന പരിപാടികൾ മലയാളികളെ ഓണകാല ഓർമകളിലേക്ക് കൈപിടിച്ചുനടത്തും വിധമാണ് സംവിധാനം ചെയ്തിരിക്കുന്നത്.
ഓണഘോഷവും ശ്രീനാരായണ ഗുരുജയന്തിയും വൻവിജയമാക്കാൻ എല്ലാ മലയാളികളും ഒത്തുചേരണമെന്ന് ഓംപ്രസിഡണ്ട് രമനായരും, ഭാരവാഹികളായ വിനോദ് ബാഹുലേയൻ, രവിവെള്ളതിരി, സുരേഷ്എഞ്ചൂർ എന്നിവരും അഭ്യർഥിച്ചു. ആഘോഷങ്ങളിൽ പങ്കു ചേരാനെത്തുന്നവര്ക്ക് മതിയായ പാർകിങ് സൗകര്യംഏർപ്പെടുത്തിയിട്ടുണ്ട്. കൂടുതൽ വിവരങ്ങൾക്ക്സുരേഷ്(310 526 1325) വിനോദ്ബാഹുലേയൻ (818 339 0638) എന്നിവരെ ബന്ധപ്പെടുക. അല്ലെങ്കിൽwww.ohmcalifornia.org സന്ദർശിക്കുക.
