ഇരിട്ടി: 28 ന് നടക്കുന്ന ഇരിട്ടി താലൂക്ക് ആശുപത്രി പ്രസവ വാര്ഡിന്റെ ഉദ്ഘാടനവുമായി ബന്ധപ്പെട്ട് സംഘാടകസമിതി രൂപീകരണ യോഗം ആശുപത്രി കോണ്ഫറന്സ് ഹോളില് നടന്നു. മുന്സിപ്പല് ചെയര്മാന് പി.പി.അശോകന്റെ അദ്ധ്യക്ഷതയില് നടന്ന യോഗത്തില് ആശുപത്രി സൂപ്രണ്ട് ഡോ.പി.പി. രവീന്ദ്രന് ആശുപത്രിയുടെ നിലവിലെ പ്രവര്ത്തനങ്ങളും മാതൃ ശിശുവാര്ഡ് പൂര്ണ്ണ തോതില് പ്രാവര്ത്തികമാക്കാന് ആവശ്യമായ അടിയന്തിര കാര്യങ്ങളും വിശദീകരിച്ചു.
യോഗത്തില് പങ്കെടുത്ത ജനപ്രതിനിധികള്, വിവിധ വകുപ്പ്, രാഷ്ട്രീയ പാര്ട്ടി, സന്നദ്ധ സംഘടനാ പ്രതിനിധികള്, കുടുംബശ്രീ, ആശാവര്ക്കര്മാര്, ട്രേഡ് യൂണിയന്, വ്യാപാര വ്യവസായികള്, ആശുപത്രി ജീവനക്കാര് എന്നിവരെ ഉള്പ്പെടുത്തി 251 അംഗ സ്വാഗത സംഘം രൂപീകരിച്ചു.
മുന്സിപ്പല് ചെയര്മാന് അദ്ധ്യക്ഷനും, ആശുപത്രി സൂപ്രണ്ട് കണ്വീനറുമായി 25 അംഗ പ്രോഗ്രാം കമ്മിറ്റി, ആരോഗ്യ സ്റ്റാന്റിങ് കമ്മിറ്റി ചെയര്മാന് പി.വി.മോഹനന് അദ്ധ്യക്ഷത വഹിച്ചു. 25 അംഗ പബ്ലിസിറ്റി, കമ്മറ്റി, പി.പി.ഉസ്മാന് അദ്ധ്യക്ഷനായി 25 അംഗങ്ങളടങ്ങുന്ന സ്റ്റേജ് ആന്റ് ഡെക്കറേഷന് കമ്മറ്റി, വൈസ് ചെയര്പേഴ്സണ് കെ.സരസ്വതി അദ്ധ്യക്ഷനായി 15 അംഗ റിസപ്ഷന് കമ്മിറ്റ എന്നിവ രൂപീകരിച്ചു.
മാതൃ ശിശു വാര്ഡിലേക്ക് അഡ്വ. മാത്യു വാട്ടര്കൂളര് , വ്യാപാരി വ്യവസായി സമിതി വെല്ക്കം ആര്ച്ച്, മര്ച്ചന്റ് അസോസിയേഷന് കസേരകള്, ഇരിട്ടി നഗരസഭ സിഡിഎസ് 5 ഷെല്ഫുകള്, കാഷ്വാലിറ്റി നവീകരണത്തിനായി ഇരിട്ടി സിഎച്ച് സെന്റര് 2 ലക്ഷം രൂപ എന്നിവ ഉദ്ഘാടനത്തിന് മുന്പായി സംഭാവനയായി നല്കാനും യോഗത്തില് ധാരണയായി.
