കണ്ണൂര്: ഒരു വര്ഷത്തിനുള്ളില് ഒരു ലക്ഷം നിരക്ഷരരെ സാക്ഷരരാക്കുന്നതിനുള്ള പ്രവര്ത്തനങ്ങളാണ് പ്രേരക്മാര് വഴി നടപ്പാക്കാനൊരുങ്ങുന്നതെന്ന് സംസ്ഥാന സാക്ഷരതാമിഷന് ഡയറക്ടര് ഡോ.പി.എസ്.ശ്രീകല പറഞ്ഞു. സാക്ഷരത മിഷന് ജില്ലാപഞ്ചായത്തിന്റെ സഹകരണത്തോടെ തദ്ദേശ സ്വയംഭരണ സ്ഥാപന അധ്യക്ഷന്മാര്ക്കും വിവിധ സ്റ്റാന്റിംഗ് കമ്മറ്റി ചെയര്മാന്മാര്ക്കുമായി സംഘടിപ്പിച്ച ശില്പ്പശാലയില് സംസാരിക്കുകയായിരുന്നു അവര്.
സംസ്ഥാനത്ത് 18 ലക്ഷത്തിലധികം നിരക്ഷരര് ഉണ്ടെന്നാണ് കഴിഞ്ഞ സെന്സസ് പ്രകാരമുളള കണക്ക്. ഇതിന്റെ കൃത്യത ഉറപ്പുവരുത്താന് എല്ലാ പഞ്ചായത്തുകളിലും സമഗ്ര സാക്ഷരതാ സര്വ്വെ നടത്തും. തെരഞ്ഞെടുത്ത ഒരു പഞ്ചായത്തില് പ്രാരംഭ സര്വ്വെ തുടങ്ങിക്കഴിഞ്ഞതായും ജനപ്രതിനിധികളുടെ സഹകരണം ഇക്കാര്യത്തില് ഉണ്ടാകണമെന്നും സാക്ഷരതാമിഷന് ഡയറക്ടര് അറിയിച്ചു. പ്രേരക്മാര്ക്ക് കേരളത്തില് നിലവില് പ്രസക്തിയുണ്ടോയെന്ന് ചോദ്യമുയരാറുണ്ട്. ഒപ്പം ഓണറേറിയം വര്ദ്ധിപ്പിച്ച കാര്യത്തില് അഭിനന്ദനങ്ങള്ക്കൊപ്പം വിമര്ശനും ഉണ്ടായിട്ടുണ്ട്.
പ്രേരക്മാരില്ലാത്ത പഞ്ചായത്തുകളില് പ്രേരക്മാരെ പുനര്വിന്യസിക്കുമെന്നും ഹരിതകേരളം മിഷന്, പൊതുവിദ്യാഭ്യാസ സംരക്ഷണ യജ്ഞം എന്നിവയില് പ്രേരക്മാര്ക്ക് നിരവധി കാര്യങ്ങള് ചെയ്യാനാകുമെന്നും അവര് പറഞ്ഞു. 2000 ത്തിലധികം വരുന്ന പ്രേരക്മാരെ നിയോഗിച്ച് ഒരാള്ക്ക് 25 പഠിതാവ് എന്ന നിലയില് ഒരു വര്ഷത്തിനിടെ രണ്ടു ഘട്ടമായി ഒരു ലക്ഷം നിരക്ഷരരെ സാക്ഷരരാക്കും. ഇതരസംസ്ഥാന തൊഴിലാളികള്ക്കും ട്രാന്സ്ജെന്ഡേഴ്സിനുമായി സാക്ഷരതാ പരിപാടികള് സംഘടിപ്പിക്കുമെന്നും അവര് പറഞ്ഞു. ശില്പ്പശാല ജില്ലാ പഞ്ചായത്ത് പ്രസിഡന്റ് കെ.വി.സുമേഷ് ഉദ്ഘാടനം ചെയ്തു. വൈസ് പ്രസിഡന്റ് പി.പി.ദിവ്യ അധ്യക്ഷത വഹിച്ചു. സാക്ഷരത മിഷന് ജില്ലാ കോര്ഡിനേറ്റര് ഷാജു ജോണ്, അസി കോര്ഡിനേറ്റര് എം.മുഹമ്മദ് ബഷീര് തുടങ്ങിയവര് സംസാരിച്ചു.
