കണ്ണൂര്: സംസ്ഥാനത്ത് കേരളാ സ്റ്റേറ്റ് പ്രൈവറ്റ് ബസ് ഓപ്പറേറ്റേഴ്സ് അസോസിയേഷന്റെ നേതൃത്വത്തില് സംസ്ഥാന വ്യാപകമായി ഇന്ന് നടക്കുന്ന സ്വകാര്യ ബസ്സ് സൂചന പണിമുടക്കില് ജില്ലയിലും സ്വകാര്യ ബസ്സുകളും പണിമുടക്കുമെന്ന് ജില്ലാ ബസ്സ് ഓപ്പറേറ്റേഴ്സ് അസോസിയേഷന് ഭാരവാഹികള് വാര്ത്താ സമ്മേളനത്തില് അറിയിച്ചു. പ്രതിദിനം തകര്ച്ചയിലേക്ക് നീങ്ങിക്കൊണ്ടിരിക്കുന്ന സ്വകാര്യ ബസ്സ് വ്യവസായത്തെ രക്ഷപ്പെടുത്താനായി നടത്തുന്ന സമരത്തെ കടലാസ് സംഘടനകളായ ചില സംഘടനകള് തകര്ക്കാര് ശ്രമിക്കുകയാണണെന്നും ഇത് വിലപോവില്ലെന്നും അസോസിയേഷന് ഭാരവാഹികള് പറഞ്ഞു.
തികച്ചും ന്യാമായ ആവശ്യങ്ങള്ക്കു വേണ്ടി വര്ഷങ്ങളായി സര്ക്കാരിനെ സമീപിച്ചു കൊണ്ടിരിക്കുകയാണ്. എന്നാല് സര്ക്കാര് അനുകൂലമായ നടപടികള് സ്വീകരിക്കാന് തയ്യാറാവാത്തതിനാല് നിര്വ്വാഹമില്ലാതെയാണ് സമര രംഗത്തിറങ്ങിയിരിക്കുന്നത്. എന്നാല് ഈ സമരവുമായി ബന്ധപ്പെട്ട് ജനങ്ങളിലും ബസ്സുടമസ്ഥരിലും ആശയക്കുഴപ്പമുണ്ടാക്കാനാണ് ചില കടലാസ് സംഘടനകള് സമരമില്ലെന്ന രീതിയില് പ്രചാരണം നടത്തുന്നത്. ഫെഡറേഷനില് നിന്നും പല അവസരങ്ങളിലായി പല കാരണങ്ങളാല് പുറത്തു പോയവരാണ് ഇത്തരം പ്രചരണങ്ങള് നടത്തുന്നത്. ജില്ലയിലെ മുഴുവന് ബസ്സുടമകളും തൊഴിലാളികളും നാളെ നടക്കുന്ന സമരത്തില് പങ്കെടുക്കണമെന്ന് അസോസിയേഷന് ഭാരവാഹികള് പറഞ്ഞു. വാര്ത്താ സമ്മേളനത്തില് ജില്ലാ ബസ്സ് ഓപ്പറേറ്റേഴ്സ് അസോസിയേഷന് ഭാരവാഹികളായ പി.പി.മോഹനന്,രാജ്കുമാര് കരുവാരത്ത്,പി.രജീന്ദ്രന്,കെ.പി.മോഹനന് എന്നിവര് പങ്കെടുത്തു.
