‘സുഷമ അമ്മയെ പോലെ’, പാക്ക് യുവതിക്ക് വിസ അനുവദിച്ചു

ന്യൂദല്‍ഹി: കേന്ദ്ര വിദേശകാര്യമന്ത്രി സുഷമ സ്വരാജിന്റെ സഹായം തേടി വീണ്ടുമൊരു പാക്ക് യുവതി. ഫയ്‌സ തന്‍വീറെന്ന യുവതിയാണ് സഹായം ആവശ്യപ്പെട്ട് സുഷമാജിക്ക് ട്വിറ്റര്‍ സന്ദേശം അയച്ചിരിക്കുന്നത്.

‘മാം, താങ്കളെനിക്ക് അമ്മയെ പോലെയാണ്. ഇന്ത്യ 70-ാം സ്വാതന്ത്ര്യ ദിനം ആഘോഷിക്കുന്ന വേളയില്‍ കാന്‍സറിനിനുള്ള ചികിത്സയ്‌ക്ക് ഇന്ത്യയിലെത്തുന്നതിന് മെഡിക്കല്‍ വിസ അനുവദിക്കണമെന്നും അതിനായി സഹായിക്കണമെന്നുമാണ്’ ഫയ്‌സയുടെ ട്വീറ്റ്.

@SushmaSwaraj mam qp mery lie maa he hain plz mam mujhu medical visa dy dain es 70win azadi k sall ki khushi main meri maddad kr dain dhnywd pic.twitter.com/SMBhfo2cOT

— Faiza Tanveer (@FaizaTanveer8) August 13, 2017

ഉടന്‍ തന്നെ സുഷമാജിയുടെ മറുപടി ട്വീറ്റെത്തി. സ്വാതന്ത്യദിനാശംകള്‍ക്ക് നന്ദി. ഇന്ത്യയിലെ ചികിത്സയ്‌ക്കായി താങ്കള്‍ക്ക് ഞങ്ങള്‍ വിസ അനുവദിക്കാമെന്നായിരുന്നു ട്വീറ്റ്.

അമിലോബ്ലാസ്‌തോമയെന്ന ട്യൂമറിന് അടിമപ്പെട്ട ഫയ്‌സയ്‌ക്ക് ഇതോടെ ഇന്ത്യയിലേക്ക് ചികിത്സയക്കെത്താന്‍ അനുവാദം ലഭിച്ചിരിക്കുകയാണ്.

Thanks for your greetings on India's Independence day. We are giving you the visa for your treatment in India. https://t.co/jThT2KayoZ

— Sushma Swaraj (@SushmaSwaraj) August 13, 2017

നേരത്തെയും പാക്ക് യുവതികള്‍ സുഷമാജിയുടെ സഹായം തേടിയെത്തിയിട്ടുണ്ട്. ഹിജാബ് ആസിഫെന്ന യുവതിയാണ് ഇതിന് മുമ്പ് ചികിത്സ ആവശ്യപ്പെട്ട് സുഷമയുടെ സഹായം തേടിയത്. സുഷമാജി, താങ്കള്‍ ഞങ്ങളുടെ പ്രാധാനമന്ത്രിയായിരുന്നെങ്കില്‍ പാക്കിസ്ഥാന് മാറ്റം സംഭവിക്കുമായിരുന്നു എന്നാണ് ഹിജാബ് അന്ന് ട്വിറ്ററില്‍ കുറിച്ചത്.