കണ്ണൂര്:സ്റ്റേജ് ആര്ട്ടിസ്റ്റ്സ് ആന്റ് വര്ക്കേഴ്സ് അസോസിയേഷന് ഓഫ് കേരള (സവാക്) സംസ്ഥാന സമ്മേളനം 20, 21 തിയ്യതികളില് കണ്ണൂരില് നടക്കും. 20ന് വൈകീട്ട് 4 മണിക്ക് സാംസ്കാരിക സമ്മേളനവും കുടുംബസംഗമവും മുഖ്യമന്ത്രി പിണറായി വിജയന് ഉദ്ഘാടനം ചെയ്യും. മന്ത്രി രാമചന്ദ്രന് കടന്നപ്പള്ളി, പി.കെ.ശ്രീമതി എംപി എന്നിവര് മുഖ്യാതിഥികളായിരിക്കും. കെ.സുധാകരന് മുഖ്യപ്രഭാഷണവും കണ്ണൂര് കോര്പ്പറേഷന് മേയര് ഇ.പി.ലത ബ്രോഷര് പ്രകാശനവും നിര്വ്വഹിക്കും. ചടങ്ങില് സമ്മേളന ലോഗോ രൂപകല്പന ചെയ്ത ആര്ട്ടിസ്റ്റ് ശശികലക്ക് ഉപഹാരം നല്കും. തുടര്ന്ന് ഡോ.വസന്തകുമാര്, സാംബശിവന്, കെ.എം. രാഘവന് നമ്പ്യാര്, മട്ടന്നൂര് ശങ്കരന്കുട്ടി, കാഞ്ഞങ്ങാട് രാമചന്ദ്രന്, രാജീവ് ആലുങ്കല്, അഡ്വ.മണിലാല്, ഫ്രാന്സിസ് ടി മാവേലിക്കര, കെ.എം.ധര്മന് എന്നിവരെ ആദരിക്കും. അയിരൂര് സദാശിവന് സ്മരണഗീതം അയിരൂര് ശ്രീകുമാറും സ്മാരക ഫൗണ്ടേഷന് ഉദ്ഘാടനം കാഞ്ഞങ്ങാട് രാമചന്ദ്രനും നിര്വ്വഹിക്കും.
21ന് കാലത്ത് എട്ടരക്ക് ജവഹര് ലൈബ്രറി ഓഡിറ്റോറിയത്തില് പ്രതിനിധി സമ്മേളനം സംസ്ഥാന പ്രസിഡന്റ് ജി.വി.വൈശാഖന് ഉദ്ഘാടനം ചെയ്യും. പ്രതിനിധി സമ്മേളനത്തിന് മുന്നോടിയായി വയലാര് രചിച്ച വി.സാംബശിവന്റെ ആയിഷ എന്ന കഥാപ്രസംഗം പ്രശസ്ത കാഥികന് ആലപ്പി രമണന് അവതരിപ്പിക്കും. വൈകീട്ട് മൂന്നിന് നടക്കുന്ന സമാപന സമ്മേളനം മുന്മന്ത്രി ഉമ്മന്ചാണ്ടി ഉദ്ഘാടനം ചെയ്യും. റിച്ചാര്ഡ്ഹെ എംപി, കെ.സി.ജോസഫ് എംഎല്എ എന്നിവര് മുഖ്യാതിഥികളായിരിക്കും.
വാര്ത്താസമ്മേളനത്തില് ജി.വിശാഖന്, രാജേഷ് പാലങ്ങാട്ട്, അഡ്വ.പി.പി.വിജയന്, ഹരിദാസ് ചെറുകുന്ന്, ബിന്ദു സജിത്കുമാര് എന്നിവര് പങ്കെടുത്തു.
