പാലക്കാട്: സോഷ്യലിസ്റ്റ് ആചാര്യനായിരുന്ന ശിവരാമ ഭാരതി കറകളഞ്ഞ നേതാവായിരുന്നുവെന്ന് ബിജെപി സംസ്ഥാന പ്രസിഡന്റ് കുമ്മനം രാജശേഖരന്. പാലക്കാട് തൃപ്തി ഓഡിറ്റോറിയത്തില് നടന്ന ശിവരാമ ഭാരതി അനുസ്മരണ സമ്മേളനത്തില് സംസാരിക്കുകയായിരുന്നു അദ്ദേഹം.
ശിവരാമ ഭാരതി ഉയര്ത്തിപ്പിടിച്ച മൂല്യാധിഷ്ഠിത രാഷ്ട്രീയത്തിന്റെ സംശുദ്ധി ജനഹൃദയങ്ങളില് ഇപ്പോളും ജ്വലിച്ച് നില്ക്കുന്നു. സാധാരണക്കാരായ പാവപ്പെട്ട ജനങ്ങള്ക്ക് വേണ്ടിയാണ് അദ്ദേഹം ജീവിച്ചത്. സ്വന്തം ജീവിതം തന്നെ രാഷ്ട്രസേവനത്തിനായി ഉഴിഞ്ഞ് വെച്ച മഹത് വ്യക്തിയായിരുന്നു ശിവരാമ ഭാരതി. ഭാരതത്തിന്റെ വീരശൂര പുത്രനാണ്. തനിക്ക് രാഷ്ട്രീയ പ്രചോദനം തന്ന വ്യക്തിയും അദ്ദേഹമായിരുന്നെന്നും കുമ്മനം പറഞ്ഞു.
മുന് മുഖ്യമന്ത്രി ഉമ്മന് ചാണ്ടി ഉദ്ഘാടനം ചെയ്തു. ശിവരാമ ഭാരതി അനുസ്മരണപ്പതിപ്പ് കുമ്മനം രാജശേഖരന് പ്രകാശനം ചെയ്തു.
സ്വാഗതസംഘം പ്രസിഡന്റ് വിളയോടി വേണുഗോപാല് അദ്ധ്യക്ഷത വഹിച്ചു. ചടങ്ങില് പഴയകാല സോഷ്യലിസ്റ്റുകളേയും സമരനേതാക്കളേയും ആദരിച്ചു.
ഡോ.വര്ഗ്ഗീസ് ജോര്ജ്ജ്, തായാട്ടുബാലന്, പി.പാര്ത്ഥസാരഥി, കെ.എ.ചന്ദ്രന്, വിജയന് കുനിശ്ശേരി, അബ്രഹാം ബെല്ഹര്, എ.അറുമുഖന്, കെ.പരമേശ്വരന് തുടങ്ങിയവര് സംസാരിച്ചു.
