കണ്ണൂര് : പെരിങ്ങളായി എല്പി സ്കൂള് റിട്ട: ഹെഡ്മാസ്റ്ററും സാമൂഹ്യ-സാംസ്കാരിക-ആദ്ധ്യാത്മിക-രാഷ്ട്രീയ രംഗത്തെ നിറസാന്നിദ്ധ്യവുമായിരുന്ന എളയാവൂര് പി.നാരായണന് മാസ്റ്റര് (75) അന്തരിച്ചു. പരേതരായ ടി.കെ.കൃഷ്ണന് നമ്പ്യാര്- പൂന്തോട്ടത്തില് കല്യാണി അമ്മ ദമ്പതികളുടെ മകനാണ്. ഭാര്യ: പി.ശാരദ, മക്കള്: ആശാ ബിന്ദു, അഖില, ധനേഷ്. മരുമക്കള്: സി.കെ.ഹരികൃഷ്ണന്, എ.എം.സഞ്ജയ്, കെ.എം.സുജന. സഹോദരങ്ങള്: ജാനകി, സരോജിനി, ഓമന, പരേതയായ ലക്ഷ്മി അമ്മ.
ഭാരതീയ ജനസംഘം, ബിജെപി, ക്ഷേത്രസംരക്ഷണസമിതി എന്നീ സംഘടനകളുടെ ജില്ലാചുമതലകള് വഹിച്ചിരുന്നു. കേരള പ്രൈവറ്റ് പ്രൈമറി ഹെഡ്മാസ്റ്റേര്സ് അസോസിയേഷന്, തപസ്യ, ഭാരതീയ വിചാരകേന്ദ്രം, ആദ്ധ്യാത്മിക പ്രഭാഷകസമിതി, ചെറുശ്ശേരി കലാസാഹിത്യവേദി, എന്എസ്എസ് കരയോഗം പ്രസിഡന്റ്, എളയാവൂര് ക്ഷേത്രകാര്യനിര്വ്വഹണ കമ്മറ്റി പ്രസിഡന്റ്, കെഎസ്എസ്പിയു ജില്ലാ കമ്മറ്റിയംഗം എന്നീ ചുമതലകള് വഹിച്ചിരുന്നു. പായം യുപി സ്കൂള് അദ്ധ്യാപകനായിരുന്നു. മലബാറിലെ വിവിധ ക്ഷേത്രങ്ങളില് രണ്ടായിരത്തിലേറെ ആദ്ധ്യാത്മിക പ്രഭാഷണങ്ങള് നടത്തിയ നാരായണന് മാസ്റ്ററെ തപസ്യ കലാസാംസ്കാരിക വേദി, വാരം യുപി സ്കൂള് എന്നിവ പുരസ്കാരങ്ങള് നല്കി ആദരിച്ചിരുന്നു.
സംസ്കാരം ഇന്ന് കാലത്ത് 10 മണിക്ക് അഴീക്കോട് ചാലില് ശാന്തിതീരം സമുദായ ശ്മശാനത്തില്.
