പുതുക്കാട്: ദേശീയപാതയില് വെള്ളക്കെട്ട് രൂക്ഷം. കാനകളുടെ നിര്മ്മാണം പാതി വഴിയില് ഉപേക്ഷിച്ചതാണ് വെള്ളക്കെട്ടിന് കാരണം.തലോര് മുതല് നെല്ലായി വരെയുള്ള പാതയിലാണ് പലയിടങ്ങളില് വെള്ളക്കെട്ട് രൂക്ഷമായിരിക്കുന്നത്.
പ്രധാന സെന്ററുകളായ ആമ്പല്ലൂര്, നന്തിക്കര, നെല്ലായി എന്നിവിടങ്ങളില് വെള്ളക്കെട്ട് മൂലം യാത്രക്കാര്ക്ക് നടക്കാന് പോലും കഴിയാത്ത അവസ്ഥയാണ്.
ദേശീയപാതയുടെ ഇരു ഭാഗത്തുമുള്ള കാനകളുടെ നിര്മ്മാണം പൂര്ത്തീകരിക്കാത്തതും മാലിന്യം അടിഞ്ഞുകൂടി ഒഴുക്ക് തടസ്സപെട്ടതുമാണ് വെള്ളക്കെട്ടിന് കാരണമാകുന്നത്.
കാലവര്ഷം ആരംഭിക്കുന്നതിന് മുന്പ് ദേശീയപാതയോരത്തെ കാനകളുടെ നിര്മ്മാണം പൂര്ത്തീകരിക്കാന് ടോള് കമ്പനിക്ക് ദേശീയപാത അതോറിറ്റി നിര്ദ്ദേശം നല്കിയെങ്കിലും യാതൊരു നടപടിയും ഇതുവരെ ഉണ്ടായില്ല. കാനകളുടെ മുകളിലെ സ്ലാബുകള് തകര്ന്ന് കിടക്കുന്നതുമൂലം യാത്രക്കാര് വീണ് പരിക്കേല്ക്കുന്നതും പതിവാണ്. ആമ്പല്ലൂര് സെന്ററിലെ വെള്ളക്കെട്ട് വാഹനയാത്രികരെയും കാല്നടക്കാരെയും ദുരിതത്തിലാക്കുകയാണ്.
